Shkup, 29 maj 2023 (MIA) - Ligji për Ndryshimet dhe Plotësimet e Ligjit për Marrëdhëniet e Punës nuk thotë shprehimisht se 60 orë do të jetë java e punës, si dhe përmban një dispozitë në nenin 117, paragrafi 2 (që i referohet se sa mund të zgjasë puna jashtë orarit (maksimumi prej tetë orësh në një javë pune ose maksimumi 190 orë në vit) që thotë: “përveç punimeve që kanë një proces të caktuar pune”.

Kështu ka shpjeguar presidenti Stevo Pendarovski pse ka vendosur të nënshkruajë dekretin për ndryshimin dhe plotësimin e Ligjit për marrëdhënie pune, miratimi i të cilit ka reaguar nga disa sindikata, disa shoqata qytetare dhe disa parti politike.

Pendarovski sot pasdite në një konferencë për media duke u përgjigjur në pyetjet e gazetarëve pasi kumtoi se ka vendosur të nënshkruajë dekretet për pesë ligjet për ndërtimin e korridoreve 8 dhe 10d, edhe një herë tha se nuk e sfidon të drejtën e askujt për të paraqitur iniciativë në Gjykata Kushtetuese dhe të thotë se nuk e ka këtë interpretim të Ligjit për Marrëdhënie Pune.

Ai shprehu gjithashtu besimin e tij personal se sa i përket ndërtimit të korridoreve në vend nuk do të shkelet ora e përcaktuar me ligj në baza tremujore apo vjetore.

"Sindikata dhe disa organizata joqeveritare e kundërshtuan të gjithë ligjin vitin e kaluar, kur u miratua një “lek specialis” për të njëjtin projekt të “Behtel dhe Enka”. Gjykata Kushtetuese tha se i gjithë ligji ishte në rregull, përveç nenit 12 ku thoshte 60 orë në javë. Unë nuk sfidoj të drejtën e askujt për të paraqitur një iniciativë në Gjykatën Kushtetuese dhe për të thënë se ky interpretimi im nuk qëndron. Por përveçse të mos thuhet në mënyrë eksplicite se 60 orë do të jetë java e punës për punëtor, ka një dispozitë tjetër që mund ta citoj - neni 117 në paragrafin 2 flet për sa kohë mund të zgjasë jashtë orarit, maksimumi tetë orë në javë pune, maksimumi 190 orë në vit dhe thotë, këtu hyjmë me arsyetimin se ky mund të mos jetë një nen apo dispozitë antikushtetuese: “përveç gjërave që kanë një proces të caktuar pune”. Më lejoni të përkthej - po flasim për autostrada, ju e dini që sezoni i ndërtimit të tyre zgjat maksimumi tre deri në gjashtë muaj, në janar dhe shkurt askush nuk shtron asfalt, kështu që në nivelin e një çerek apo një viti, siguria ime është se nuk do të shkelet orari i ligjshëm", sqaroi Pendarovski.

Për ata që nuk e dinë, siç theksoi ai, Gjykata Kushtetuese në “arsenalin” e saj ka mekanizma të veçantë, të ashtuquajtur masë e përkohshme, kështu që ai mund të thotë: "deri në vendimin përfundimtar ndalojmë gjithçka".

"Këto janë opsionet", theksoi presidenti Pendarovski. sa/

foto: Arkivi i MIA