Shkup, 17 nëntor 2022 (MIA) - Presidenti Stevo Pendarovski konsideron se duhet të merret përgjegjësi për rastin e dhënies së shtetësisë maqedonase shtetasit ukrainas Oleksandar Onishçenko, i cili është në listën e zezë të SHBA-ve. Sonte në një intervistë në emisionin “24 Analizë” në TV24, ai vlerësoi se ishte një goditje e rëndë për besueshmërinë e një vendi anëtar të NATO-s në sytë e aleatëve të tjerë. "Ky është një njeri, biografia e të cilit ne e dimë që është në listën e zezë, por është i lidhur me individë dhe grupe të tjera dhe nuk është i lidhur vetëm me zgjedhjet presidenciale të vitit 2016 në Amerikë. Ka katër sektore brenda Agjencisë së Sigurisë Kombëtare (ASK). Më në fund qeveria merr një vendim pozitiv. Ne duhet të përqendrohemi në hetimin e brendshëm në ASK. Sektori i katërt në ASK është për bashkëpunim me shërbimet e huaja që janë partnerë tanë në NATO. Nëse ajo që di unë është e vërtetë, duke përfshirë këtë sektor, është një goditje e madhe besueshmërie për ASK-në. Ne duhet të marrim përgjegjësi për këtë rast. Nëse njeriu ndërhyri në zgjedhjet e tyre, me çfarë sysh do t'i shikojmë amerikanët. Ata nuk do të na shohin me të njëjtin sy. Ka pasur reagim edhe nga Amerika se si mund të ndodhë kjo, tha Pendarovski. Nga viti 2020, shtoi Pendarovski, pasi që jemi anëtarë të përhershëm, kemi hyrë në sistemin e shkëmbimit të të dhënave, inteligjencës, operacioneve, zbulimit dhe kundërzbulimit me anëtarët e tjerë të NATO-s dhe jemi shumë krenarë për këtë. "Pra, një vend i vogël ka hyrë praktikisht në të njëjtin sistem informacioni në të cilin Amerika jep informacion dhe anasjelltas, dhe kjo është një nga vlerat e mëdha të shtuara që ne u bëmë anëtare e NATO-s. Është një gabim, një gabim mjaft i madh. Do të thosha se është një dështim sistematik, nuk bëhet fjalë për një individ. Pra dikush gaboi, mori ryshfet, po spekuloj, tha presidenti. Pendarovski përsëriti se procesi i llogaridhënies në ASK duhet të kryhet deri në fund. ls/