Bruksel, 7 shkurt 2024 (MIA) - Parlamenti Evropian ka hequr imunitetin e ish nënkryetares së institutit, Eva Kaili, duke e hapur rrugën për një hetim të mëtejshëm për përfshirjen e saj të supozuar në një mashtrim financiar prej 150.000 euro në vitin 2015.

Rasti për mashtrim nuk ka lidhje me skandalin e korrupsionit të njohur si Katargejt, ku është përfshirë edhe politikanja greke, Kaili.

Në raportin, i cili u vendos në votim në PE, thuhet se Kailili është e akuzuar për keqpërdorim të mjeteve publike në vlerë prej 120 mijë deri 150 mijë euro. Sipas ligjeve greke, nëse eventualisht shpallet fajtore, ajo mund të përballet me denim prej 5 deri 15 vjet burgim.

Para votimit në PE, avokati i saj për “Politiko” tha se në rast se i hiqet imuniteti Kailit, ajo do të ndërmerr veprime të duhura ligjore kundër vendimit të tillë. Papas i quajti pretendimet se klientja e tij mund të shkojë në burg "të parakohshme dhe të pabaza në këtë fazë". rq/bsh/

Foto: Arkivi i MIA-s