Shkup, 20 prill 2023 (MIA) - NP "Parkingu i qytetit" - Shkup informoi se nesër - 21 prilli, gjatë festës shtetërore Fitër Bajramit, parkingjet publike Fronti popullor, LAMM, Shtëpia e shtypit, ZOIL, Kombinati i duhanit 8-Shtatori, do të jenë të lira për parkim, gjegjësisht nuk është me pagesë.

Siç theksojnë nga ndërmarrja, sipëfaqet publike të dedikuara për parking (parkingjet në zona), gjithashtu do të jenë të lira për parkim - pa pagesë.

Parkingjet publike “Koço Racin”, Spitali i Qytetit, Qendra Klinike “Nënë Tereza”, Treska, si dhe garazhet në kate “Beko” dhe “26 Korriku”, do të funksionojnë me orar të rregullt pune dhe me pagesë nga ora 00:00 deri në orën 24:00.

NP “Parkingu i Qytetit” – Shkup, ua uron Fitër Bajramin të gjithë qytetarëve të Republikës së Maqedonisë së Veriut, të cilët e festojnë këtë festë. mb/