Shkup, 23 janar 2024 (MIA) - Në vendkalimin kufitar Megjitlia është parandaluar përpjekje për kontrabandë të 45 çantave të femrave, katër valixheve dhe një çante shpine, pas kontrollit të kryer nga ana e nëpunësve të doganës, njoftuan nga Drejtoria Doganore. 

"Malli i padeklaruar është zbuluar gjatë kontrollit të një automobili i cili ishte paraqitur në hyrje të shtetit. Për shkak të dyshimit në deklaratën e shoferit është kryer kontroll fizik i veturës, me çka në veturë në hapësirën mes ulëseve dhe në hapësirën e bagazhit janë gjetur 45 çanta të femrave, katër valixhe dhe një çantë shpine të padeklaruara", qëndron në kumtesën e Drejtorisë Doganore. 

Produktet e padeklaruara, nënvizohet, janë ruajtur përkohësisht, ndërsa kundër personit është ngritur procedurë kundërvajtëse. fc/

Fotografia: Drejtoria Doganore