Shkup, 20 shtator 2023 (MIA) - Në Kuvendin e Republikës së Maqedonisë së Veriut sot me fillim në orën 13 do të mbahet panel diskutimi "Angazhime për të ardhme më të mirë - Bashkëpunim dhe pjesëmarrje rinore" në kuadër të të cilëve do të nënshkruhet edhe deklarata rinore që të nxitet bashkëpunimi aktiv në mesin e të rinjve. 

Diskutimi organizohet në kuadër të nismës së filluar në vitin 2022 nga ana e zyrës lokale të RYCO me mbështetjen e fondacioneve Fridrih Ebert dhe Konrad Adenauer, ndërsa në bashkëpunim me Klubin për Çështje dhe Politika Rinore në Kuvend, me qëllim të fuqizimit të kapaciteteve të të rinjve të partive politike të cilët kanë deputetët e tyre në klub. 

Në kuadër të diskutimit do të nënshkruhet edhe deklarata rinore që të nxitet bashkëpunimi aktiv në mesin e të rinjve. Deklarata e cila ishte propozuar krahas trajnimeve të realizuara për krijim efektiv të politikave rinore, nga ana e pjesëmarrësve të cilët i prezantuan organizatat rinore të partive politike: Aleanca për Shqiptarët, Alternativa, BDI, si dhe RDL, RSDM dhe UFR. fc/

Fotografia: RYCO