Uashington, 30 mars 2023 (MIA) - Disa persona humbën jetën kur dy helikopterë ushtarakë amerikanë u përplasën në qarkun Trig, pranë bazës ajrore Fort Kembell, në shtetin federal amerikan të Kentakit.

Dy helikopterët "Blekhok" (HH60 Blackhawks) u aksidentuan duke realizuar stërvitjen rutinë rreth orës 22:00 sipas kohës lokale, tha drejtoresha për marrëdhënie me opinionin në bazën "Fort Kembel", Brendalin Karpenter-Plejer për "Foks Njuz Dixhital".

"Ekuipazhi po fluturonte me helikopterë "Blekhok" gjatë stërvitjes rutinë kur ndodhi incidenti. Statusi i anëtarëve të ekuipazhit nuk dihet aktualisht. Komanda aktualisht është e fokusuar në kujdesin për ushtarët dhe familjet e tyre", tha Karpenter-Plejer.

Në vendin e aksidentit arritën shërbimet e emergjencës nga disa rajone, ndërsa sipas raportimit të radios WKDZ, është e mundur të kenë vdekur deri në nëntë persona.

Guvernatori i Kentakit, Endi Beshir, në Tuiter e konfirmoi aksientin, duke thënë se do të ketë dia viktima.

 "Po marrim lajme të rënda nga Fort Kembel, pritet të ketë viktima. Policia, shërbimet e emergjencës në Kentaki dhe nëpunësit lokal po ndihmojnë", shënoi Beshir në Tuiter. sa/