Në seancën e sotme dominuan temat nga ekonomia, bujqësia, shëndetësia, institucionet e hakuara, alarmet për bomba në shkolla. Deputetët folën edhe për mungesën e bukës në tregje pas vendimit të Qeverisë për ngrirjen e çmimit të bukës.

Përfundoi kërkimi për Propozimin për emërimin e zëvendësministrave në Qeveri dhe kryetari i Kuvendit, Talat Xhaferi, ka dhënë pauzë deri në orën 16:00. Pas kthimit të deputetëve në sallën e Kuvendit, pritet që të votohen edhe katër zëvendësministrat e rinj.

Fjalimet e deputetëve të opozitës VMRO-DPMNE ishin të synuar në propozimin për zëvendësministren e Bujqësisë, Pylltarisë dhe Ekonomisë së Ujërave, Vjolca Berisha, për të cilën thanë se një shkrimtar nuk mund të jetë staf adekuat për menaxhimin e resorit të bujqësisë. Ata me një shënim për kryeministrin se nuk mund të kërkojë mbështetje për deputetët, pa thënë cilësitë e tyre dhe çfarë të mirash do t'u sjellin këta kandidatë qytetarëve.

Deputetja e VMRO-DPMNE-së, Dafina Stojanoska tha se nuk e di as se si duken tre nga propozimet për zëvendësministra.

"Agim Nuhiun e kam parë këtu në Kuvend, por nuk kam asnjë përshtypje për të, e sidomos ekspertizën e tij. Ndoshta më në fund do ta gjejë veten në rolin më të mirë si zëvendësministër i Arsimit dhe Shkencës, sepse deri më tani nuk kemi pasur rastin ta dëshmojmë. Megjithatë, mbetet fakti se Nuhiu është anëtari i pazëvendësueshëm, i përjetshëm i Qeverisë, si dhe se Kovaçevski nuk ka të drejtë të zgjedhë, por ka të drejtë vetëm të pranojë atë që i ofrohet pa asnjë kundërshtim. Për zonjushën Berisha, dua të theksoj se gati një vit më parë, ajo më la një përshtypje të fortë kur pashë një dalje të saj televizive. Madje mendoj se i kam pyetur kolegët e Aleancës për shqiptarët se kush është dhe nga është dhe u thashë se është shumë e aftë dhe duhet t'i japin një shans, por të jetë zëvendësministre në resorin e bujqësisë, dyshoj se është një arritje. Mbetet ta shohim këtë propozim në veprim, por si grua nuk dua që Berisha të vihet në një provë të keqe për t'ia shkatërruar karrierën politike", tha Stojanoska.

Jadranka Pockova, deputete nga radhët e VMRO-DPMNE-së theksoi se dyshon se propozimi për zëvendësministren e Shëndetësisë Maja Manoleva, e cila është nënkryetare e Odës së Mjekëve, drejtoreshë e Institucionit publik shëndetësor - Enti për mjekësisë fizikale Shkup dhe pronare e institucionit privat shëndetësor "Fizioplus - Dr. Manoleva" për shkak se është thirrur drejtpërdrejt nga Komisioni Shtetëror për Parandalimin e Korrupsionit, do t'i zgjidhë "problemet e hidhura në shëndetësi".

Deputeti i VMRO-DPMNE-së, Igor Janushev theksoi se ndoshta Berisha është profesoreshë dhe shkrimtare e shkëlqyer, por siç tha, nuk mund ta menaxhojë me resorin e bujqësisë.

Seanca e 104-të parlamentare për rikonstruimin e Qeverisë filloi para tre javësh, ndërsa ministrat e rinj në qeverinë e Kovaçevskit, Krenal Lloga për Drejtësi, Fatmir Mexhiti për Shëndetësi, Azir Aliu për Shoqeri Informatike dhe Administratë dhe Kaja Shukova për Mjedis Jetësor dhe Planifikim Hapësinor u zgjodhën para mesnatës të hënën. ls/

Foto: MIA Arkiv