Kumanovë, 5 gusht 2024 (MIA) - Oda e Zejtarëve është e kënaqur nga fluksi i nxënësve të cilët zgjodhën arsimin profesional kundrejt gjimnazit dhe kërkon ndryshim thelbësor dhe rritje të subvencioneve për hapjen e bizneseve personale e cila do të kontribuojë që kuadri i ri të qëndrojë në shtet, informuan sot kompetentët nga Oda e Zejtarëve të Republikës së Maqedonisë së Veriut.

Mungesa e profileve të caktuara kompensohet me importin e fuqisë punëtore, oda kërkon të rriten subvencionet për hapjen e bizneseve personale dhe kuadri i Maqedonisë të qëndrojë në shtet.

"Në arsimin dual ka subvencione, por nevojitet mbështetje të mbahet fuqia punëtore cilësore të cilën e kemi në vendin tonë. Njëherit, format të cilat kanë nënshkruar memorandum bashkëpunimi kërkojnë pagesë të shpenzimeve për trajnim mentorial dhe për repromateriale, që plotësisht do ta përmirësojë cilësinë e mësimit praktik. Institucionet nuk duhet të lejojnë që të rinjtë të largohen në vendet e huaja ku zanatet me të vërtetë vlerësohen dhe paguhen shumë mirë. Prandaj nevojitet rritje e subvencioneve për shembull për masën e vetëpunësimit. Pesë mijë euro janë ndoshta të mjaftueshme për të hapur një sallon për parukeri por të pamjaftueshme për një automekanik ose furrë", deklaroi kryetari i OZRMV, Agron Fazlii. sa/

Foto: MIA