Shkup, 27 korrik 2023 (MIA) - Ministri i Punëve të Jashtme Bujar Osmani sot do të qëndrojë për vizitë pune në Itali, ku së bashku me nënkryetarin e Këshillit të ministrave dhe ministrin e Punëve të Jashtme dhe Bashkëpunimit Ndërkombëtar të Republikës së Italisë, Antonio Tajani, zëvendëskryeministren dhe ministren e Punëve të Jashtme të Republikës së Bullgarisë, Maria Gabriel dhe ministren e Punëve të Jashtme të Republikës së Shqipërisë, Olta Xhaçka do të zhvillojnë një takim ministror katërpalësh në Brindizi .

Siç kumtoi MPJ-ja, në fokus të bisedimeve do të jenë mënyrat konkrete për avancimin e bashkëpunimit dhe mbështetjes së zbatimit të Korridorit VIII pan-europian që lidh Detin Adriatik me Detin e Zi.

Ky takim i parë ministror katërpalësh pritet të shndërrohet në  platformë politike, të cilën e ka iniciuar ministri Bujar Osmani, që nga viti 2021.

Iniciativa 8 (I8) është konceptuar si një platformë politike që do të ofrojë forum shtesë për avancimin e bashkëpunimit të ndërsjellë dhe intensifikimin e shkëmbimeve politike, ekonomike, të sigurisë, kulturore dhe sociale midis katër vendeve përgjatë Korridorit VIII. mb/