Shkup, 31 mars 2023 (MIA) - Normat mesatare të interesit të  kredive  të përgjithshme dhe   depozitave të përgjithshme në shkurt kanë shënuar rritje. Të dhënat e Bankës Popullore tregojnë se rritja mujore e normës mesatare të interesit të kredive të përgjithshme  në shkurt është 5 për qind, ndërsa të depozitave një për qind.

Norma mesatare e interesit të kredive të përgjithshme të  sektorit të korporatave është 4.63 për qind dhe është më e lartë për 0.03 pikë përqindje krahasuar me janarin. Norma e interesit të kredive të sapo miratuara  ka një rritje mujore prej 0.03 pikë përqindjeje dhe arrin në 5.22 për qind.

 Norma e interesit të kredive të përgjithshme të amvisërive është e pandryshuar krahasuar me  janarin dhe është 5.34 për qind. Në bazë vjetore, kjo normë interesi është më e lartë me 0.20 pikë përqindjeje. Norma mesatare e interesit për kreditë e sapo miratuara  është 5.18 për qind dhe tregon një rritje mujore prej 0.37 pikë përqindjeje. ar/

 Foto: Banka Popullore