Bern, 1 janar 2025 (MIA) - Policia zvicerane deklaroi për Skaj njuz se në shpërthimin në një bar në qendrën e skijimit Kran Montana kanë humbur jetën të paktën 10 persona, ndërsa 10 të tjerë u lënduan.

Policia gjithashtu, konfirmoi se incidenti nuk trajtohet si sulm terrorist.

Zëdhënësi i policisë paraprakisht deklaroi se ka shumë të lënduar dhe shumë të vdekur.

"Pati një shpërthim me origjinë të panjohur", tha zëdhënësi i policisë kantonale, Galtan Lation.

Shpërthimi ka ndodhur në qendrën zvicerane të skijimit Kran Montana, në kantonin Vale gjatë festimit të Vitit të Ri rreth orës 1:30 sipas kohës lokale në barin "Konstelejshën", i cili është shumë i njohur te turistët.

Pamjet e publikuara në mediat zvicerane treguan një ndërtesë në flakë dhe shërbimet e shpëtimit në afërsi.

"Operacioni ende është në vijim", theksoi zëdhënësi. sa/

foto: EPA