Shkup, 27 nëntor 2023 (MIA) - Tre persona kanë sulmuar fizikisht një të punësuar në sigurimin  në fabrikën për marihuanë për qëllime mjekësore në atarin e fshatit Çegran të Gostivarit, pas çfarë nën kërcënim me pistoletë e kanë mbyllur në një hapësirë dhe nga fabrika kanë marrë 41 thasë me marihuanë me një peshë të përgjithshme prej 552.85 kilogramë marihuanë.

Siç informoi sot MPB-ja, vjedhja është raportuar dje në orën 23 në Departamentin e Punëve të Brendshme në Gostivar. 

"Sipas kallëzimit, pasi ata janë larguar, ai ka dalë dhe ka vërejtur se porta e fabrikës ishte e hapur dhe se dy dyer nga pjesa e brendshme janë thyer. Në konsultim dhe koordinim me prokurorin publik, ekspertizë ka kryer ekipi i Departamentit për Punë të Brendshme Gostivar dhe është konstatuar se personat nga brendësia e  objektit kanë marrë 41 thasë me gjithsej 552.85 kilogramë marihuanë", kumtoi MPB-ja.  

 Po ndërmerren masa për zbardhjen dhe dokumentimin e rastit.

 Paraprakisht, më 4 tetor të këtij viti nga ana e DPK-së, pas një kontrolli dhe bastisje të jashtëzakonshëm me urdhër gjykate, në koordinim me Komisionin për vlerësimin e plotësimit të kushteve në lidhje me hapësirën, pajisjet dhe kuadrin për kultivimin e kanabisit për qëllime mjekësore pranë Ministrisë së Shëndetësisë janë konstatuar parregullsi në punën e fabrikës, të mbjellat e kanabisit të sekuestruar i janë dorëzuar Agjencisë për Menaxhimin e Pronës së Konfiskuar, pas së cilës është parashtruar kallëzim penal kundër personit juridik dhe përgjegjës sipas Ligjit për Kontrolli i Drogave Narkotike dhe është ngritur procedurë për heqjen e licencës.

 Foto: Arkivi i MIA-s