Ulan Bator, 26 shkurt 2024 (MIA) - Më shumë se dy milionë kafshë ngordhën këtë dimër në Mongoli, deklaroi sot një përfaqësues qeveritar, duke theksuar se kjo ka të bëjë me kushtet e motit derisa vendi po lufton me të ftohtin dhe borën ekstreme.

Temperaturat e ulëta ekstreme nga dhjetori deri në mars nuk janë risi në këtë vend të Azisë Lindore, ku në disa zona mund të bien edhe deri në -50 gradë Celsius. 

Kombet e Bashkuara njoftuan se ndryshimet klimatike e rrisin frekuencën dhe intensitetin e thatësirave. Mongolia u përball me gjashtë thatësira gjatë dekadës së kaluar, duke përfshirë edhe një në dimrin e vitit 2022/2023, kur ngordhën 4,4 milionë gjedhë. 

Uria e këtij viti ishte përkeqësuar me thatësirën e verës, e cila i pengoi kafshët që të krijojnë rezerva të indit dhjamor që do tu ndihmojë ta mbijetojnë dimrin e tmerrshëm.

Shtatëdhjetë për qind e Mongolisë përballet me "thatësirë" ose kushte të ngjashme, sipas KB-së. Në periudhën e njëjtë të vitit të kaluar ai numër ishte 17 për qind. 

Bora këtë vit e përkeqësoi situatën për bujqit, i bllokoi në rajonet më të ftohta dhe u mundësoi që të blejnë ushqim për jetët e tyre në qytetet përreth. 

Mongolia është një nga vendet më rrallë të banuara në botë, ndërsa një e treta e popullatës së saj prej 3,3 milionë njerëz jetojnë mënyrë nomade të jetës. fc/

Fotografia: Arkivi i DPA-së