Kajro, 19 tetor 2023 (MIA)  - Vendkalimi Rafah, i vetmi vendkalim në Rripin e Gazës që nuk është nën kontrollin e Izraelit, do të hapet nesër që të mundësohet që ndihma humanitare të kalojë në territorin palestinez, raportojnë mediat egjiptiane.

Duke u referuar në burime të afërta me shërbimin e inteligjencës egjiptiane, kanali Al Qahera News raportoi se vendkalimi Rafah do të hapet nesër, por nuk dha detaje të tjera. 

 Sipas paralajmërimeve paraprake, presidenti i SHBA-së, Xhozef Bajdeni ka kërkuar nga autoritetet egjiptiane që të lejojnë  të kalojnë 20 kamionë me ndihma humanitare nëpër atë vendkalim, të cilin Organizata Botërore e Shëndetësisë e vlerësoi si ndihmë krejtësisht të pamjaftueshme.

Foto: Arkivi i MIA-s