Moskë,  24 tetor 2023 (MIA)  -  Aktivisti i burgosur i opozitës ruse, Aleksej Navalni nuk mori pjesë në seancën në të cilën sërish gjykohet në shnejë proteste për shkak  se autoritetet e burgut ia morën të gjitha pajisjet për të shkruar, bënë të ditur  shoku  i tij. 

 Navalni, i cili në Rusi tashmë është dënuar me 19 vite burg, duhej që përmes një video-lidhje të marrë pjesë në seancën e sotme gjyqësore, vetëm një nga të shumtat kundër tij ndërsa është ende në paraburgim.

Sipas shokut të tij Ivan Zhdanov, për shkak se Navalni refuzoi të largohet nga qelia, "operativët e sigurisë me helmeta e tërhoqën te hetuesit sepse pritej që "sot do të kishte njëfarë procedure hetimore". 

 Zhdanovi nuk tha se kur u kthye Navalni në qelinë e tij dhe pse iu mor pajisja për të shkruar.

Portali i pavarur rus i lajmeve "Mediazona" raportoi se pas refuzimit të Navalnit seanca u shty për më 2 nëntor. 

Navaln është kundërshtari më i madh i presidentit rus Vladimir Putin dhe luftoi kundër korrupsionit të zyrtarëve, si dhe ishte organizator i demonstratave të mëdha kundër qeverisë në Kremlin. 

 U arrestua në vitin 2021 pasi u kthye nga Gjermania në Moskë, ku u shpëtua nga helmimi me agjent nervor, për të cilin Navalni e fajësoi Kremlinin.

 Foto: EPA