Napoli, 29 maj 2023 (MIA) - Napoli ka për qëllim ta mbajë Viktor Osimenin për të cilin janë të interesuar Çellzi, Baerni dhe PSZH.

Kryetari i “napolitanëve”, Aurelio De Laurentis mendon ta ripërtërijë marrëveshjen e Osimenit me një rritje të ndjeshme të pagës, e cila aktualisht është 4.5 milionë dollarë në vit. 

Ende nuk ka oferta zyrtare nga klubet e tjera për sulmuesin 24-vjeçar, ndërsa  De Laurentis për nigerianin  planifikon të përfshijë një klauzolë lirimi prej 160 milionë euro në marrëveshjen e re", raporton "Calciomercato".

Marrëveshja aktuale e sulmuesit është deri në qershor të vitit 2025.

Me 25 gola në 31 ndeshje, Osimeni kryeson garën për golashënuesin më të mirë në Serie A. ar/

Foto: EPA