Nëse kanë dëshmi, le t'i dorëzojnë, thotë Mickoski pas akuzave të LSDM-së për ikjen e Blerim Ramadanit
- Nëse kanë dëshmi, le të dalin dhe të shohim si do të përfundojë kjo, deklaroi sot kryeministri Hristian Mickoski, pas akuzave nga nga LSDM se ikja e Blerim Ramadanit është organizuar nga struktura të MPB-së.
- Post By Arta Bunjaku
- 14:49, 22 gusht, 2024
![Nëse kanë dëshmi, le t'i dorëzojnë, thotë Mickoski pas akuzave të LSDM-së për ikjen e Blerim Ramadanit](https://mia.mk/images/20240822144909_big_730x400_5.webp )
Shkup, 22 gusht 2024 (MIA) - Nëse kanë dëshmi, le të dalin dhe të shohim si do të përfundojë kjo, deklaroi sot kryeministri Hristian Mickoski, pas akuzave nga nga LSDM se ikja e Blerim Ramadanit është organizuar nga struktura të MPB-së.
Sipas Mickoskit, për analizim është shqetësimi tek LSDM dhe BDI, duke pasur parasysh se ky nuk është rasti i parë i këtillë dhe tashmë ka vendim nga Gjykata supreme.
"Ky nuk është rasti i parë, ka të ngjashëm në vitin 2016, në vitin 2019 dhe ka vendim nga Gjykata supreme kur praktikisht ata persona të cilët në mënyrë identike ishin në paraburgim ekstradues në bazë të fletë-arrestit që e dërgon Serbia, ishin lënë të lirë. Kjo që kemi shqetësim tek LSDM dhe BDI sepse gjykatësi partiak Pajaziti është i përfshirë në këtë rast, kështu që tentojnë tani intriga apo, do të thoja, krahasime të çuditshme të bëjnë dhe informata në formë pyetësore, me të vërtetë është për t'u analizuar. Nëse kanë dëshmi, nëse dinë se është ashtu, përse në formë pyetësore, le të dalin me pohim dhe le të shohim si do tëp përfundojë kjo", deklaroi Mickoski pas vizitës në komunën Petrovec, ku mori pjesë në vendosjen e gur-themelit për ndërtimin e sallës sportive.
Për atë nëse ndërkohë kanë pasur ndonjë komunikim me autoritetet serbe, Mickoski tha se nuk kanë pasur.
Lidhur me akuzat nga opozita për vrasjen para QT "Mavrovasja" se institucionet nuk i kanë ndërmarrë të gjitha masat me kohë, Mickoski tha se ajo që është më me rëndësi, është që "tashmë një seri kriminelësh dhe gjykatësish dhe prokurorësh të korruptuar para ligjeve dhe institucioneve".
Во однос на обвинувањата од опозицијата за убиството пред Мавровка дека институциите не ги презеле сите мерки навреме, Мицкоски рече дека она што е важно е што „веќе серија криминалци и корумпирани судии и обвинители се одговорни пред законите и институциите“.
Tha se është mirë që sipas matjeve të fundit në gusht që i bëjnë si parti, rritet besimi i qytetarëve në institucione.
"Për herë të parë kemi më shumë bashkëqytetarë të cilët besojnë në luftën kundër krimit dhe korrupsionit të kësaj Qeverie, se sa që nuk besojnë. Dhe ky është vetëm edhe një shkak të vazhdojmë të luftojmë me këta kriminelë pa dallim nëse janë kriminelë të këtillë apo kriminelë në politikë. Dhe së shpejti prej sot të gjithë të cilët kanë gabuar para ligjit do të nxirren para drejtësisë, përfshirë edhe ato grupe të cilat në kohë të fundit tentojnë të jenë aktivë në nëntokën e Shkupit, i ndjekim edhe ata", deklaroi Mickoski.
LSDM sot në konferencë për shtyp akuzoi se ikja e Ramadanit është organizuar nga struktura të MPB-së dhe të punësuar në institucione dhe u bëri thirrje Qeverisë dhe MPB-së të tregojnë se kush e ka organizuar dhe mundësuar ikjen. Deputeti Mitko Trajçuleski tha se nëse Qeveria dhe MPB në 24 orët e ardhshme nuk deklarohen publikisht ta tregojnë të vërtetën për tërë organizimin e ikjes së Ramadanit se LSDM do t'i kumtojë të gjitha informatat nga informatorët që i kanë marrë. Kërkon autoritetet të përgjigjen nëse është se saktë se Ramadani më 10 dhe 14 gusht lirisht e ka kaluar kufirin me Kosovën. ab/
Foto: МIА arkivi