Bern, 11 mars 2024 (MIA) - Policia e kantonit zviceran Vale sot kumtoi se ka gjetur pesë trupa të pajetë të personave që u zhdukën gjatë një udhëtimi me ski pranë qytetit alpik Zermat.

Gjurmët pas gjashtë skiatorëve ende vazhdojnë, njofton shërbimi publik zviceran RTS.

Skiatorët u zhdukën të shtunën në afërsi të malit Tet Blansh, në rrugën Zermat-Arola, pranë malit Materhorn i cili shkon afër zonës kufitare midis Zvicrës dhe Italisë.

Për skiatorët ishin mobilizuar resurse të konsiderueshme, por kushtet ekstreme të motit gjatë 24 orëve të fundit kanë penguar operacionet e shpëtimit. Moti i keq në jug të Alpeve bëri të pamundur ngritjen e helikopterit dhe natën e së shtunës dhe të dielës ekipi i shpëtimit u detyrua të braktisë operacionin për shkak të kushteve shumë të këqija atmosferike dhe rrezikut të madh të orteqeve. qa/

Foto: arkivi i MIA-s