Paris, 7 mars 2024 (MIA) - Pothuaj 30 vende do të përfaqësohen sot pasdite në takimin e organizuar nga Franca për përkrahje të Ukrainës, njoftoi Ministria franceze e Punëve të Jashtme, Stefan Sezhurne.

"Gjithsej 28 vende përfaqësohen, duke përfshirë 21 në nivel ministror nga ministrat e tyre të Jashtëm ose të Mbrojtjes", thuhet në kumtesë. Takimi do të mbahet nga ora 16:00 deri në ora 18:00 me orën lokale përmes video-konferencës.

Më 26 shkurt në Paris u mbajt takimi ndërkombëtar për mbështetje të Ukrainës, me iniciativë të presidentit francez Emanuel Makron.

Pritet që vendet sot të punojnë në tetë tema: municion, parimet e deponimit, hapësira kibernetike, mbrojtja e kufijve, mbrojtja e shteteve të cënueshme, çminimi, prodhimi industrial në terren në Ukrainë dhe "koalicioni i 9-të" për projektile.

Mes pjesëmarrësve do të jenë edhe ministrat e Punëve të Jashtme dhe Mbrojtjes së Ukrainës, shefi i diplomacisë polake, ministri italian i Mbrojtjes... Gjermania do të përfaqësohet nga sekretari i shtetit.

Franca ka theksuar nevojën për të rritur përpjekjet për përkrahje të Ukrainës për përgjigje të Rusisë, si dhe nevoja për të ndihmuar fqinjët e Ukrainës.

Sezhurne pritet të shkojë nesër për në Vilnus për një takim të përbashkët me kolegët e tij nga republikat baltike dhe me kolegun ukrainas Dmitro Kuleba, pas takimit të martën me kolegen e tij ,gjermane Analena Berbok në Paris. rq/bsh/

Foto: Arkivi i MIA-s