Tiranë, 15 gusht 2025 (MIA) - Autoritetet shqiptare kanë arrestuar tre persona të dyshuar për zjarrvënie të qëllimshme në qytetet e Fierit, në pjesën jugperëndimore të vendit dhe Lushnjës, Shqipërisë qëndrore.

Shtetasit shqiptarë të arrestuar janë burra të moshës 68, 61 dhe 62 vjeç, me çka numri i personave të dyshuar për zjarrvënie të qëllimshme e kalon numrin mbi 140 persona.

Sipas informacioneve nga Ministria e Mbrojtjes së Shqipërisë, situata me zjarret në pyje në vend është përmirësuar ndjeshëm. Në 24 orët e fundit janë regjistruar 28 zjarre, prej të cilave vetëm tre janë aktive, ndërsa gjashtë mbeten nën mbikëqyrje.

Momentalisht zjarret janë aktive në Tërnovë, komuna e Bulqizës, në verilindje të Shqipërisë, në afërsi të kufirit Shqipëri-Maqedoni në Dibër, në Xhet, komuna e Fush Arezit, në veri të Shqipërisë dhe në Velj, komuna e Mirditës, në veriperëndim të Shqipërisë. rq/

Foto: MM