Shkup, 25 janar 2024 (MIA) - Presidenti i shtetit, Stevo Pendarovski në suaza të vizitës së punës në Republikën e Kosovës, sot në Prishtinë ka realizuar takim me presidenten e Republikës së Kosovës, Vjosa Osmani-Sadriu, njoftuan nga Kabineti i presidentit të Republikës së Maqedonisë së Veriut.

Në takim, është shprehur pakënaqësi nga niveli i raporteve dypalëshe mes dy shteteve që janë miqësore, dinamike dhe të bazuara në respekt dhe mirëkuptim të ndërsjellë.  

Siç shtohet në komunikatë, në fokus të bisedimeve janë tema aktuale nga marrëdhëniet dypalëshe, perspektiva evropiane e dy shteteve, ngjarjet lidhur me dialogun Prishtinë  - Beograd, si dhe sfidat e planit rajonal dhe multilateral dhe gjendjen e sigurisë në rajon dhe më gjerë.

Presidenti Pendarovski e ka riafimuar qëndrimin për mbështetje të aspiratave euroatlantike të Kosovës, si dhe qasja aktive e Kosovës ndaj nismave dhe forumeve ekzistuese rajonale, me ç'rast ka theksuar se shteti ynë është i gatshëm t'i ndajë përvojat e veta lidhur me proceset reformuese, si dhe në rrugën drejt Bashkimit Evropian, ashtu edhe në lidhje me anëtarësimin e NATO-s në Aleancë. 

Në këtë kontekst, bashkëbiseduesit kanë konstatuar se dy shtetet kanë vend të rëndësishëm me rolin e tij aktiv në përpjekjet e përbashkëta për arritje të stabilitetit të përhershëm, fqinjësi të mirë dhe prosperiteti ekonomik në këtë pjesë të Evropës dhe se e ardhmja e përbashkët në strukturat euroatlantike është investim në stabilizimin e mëtutjeshëm dhe prosperitetin e rajonit në Ballkanin Perëndimor.

Pendarovski dhe Vjosa Osmani-Sadriu, theksohet në kumtesë janë angazhuar për thellim të bashkëpunimit në të gjitha fushat me interes të përbashkët, sidomos në ekonomi dhe i theksuan angazhimet për kontribut aktiv ndaj rajonit prosperues të zhvilluar infrastrukturor dhe ekonomik. mb/

Foto: Kabineti i Presidentit të RMV-së