Varshavë, 3 qershor 2024 (MIA) - Autoritetet polake kanë arrestuar 18 persona të dyshuar për planifikim të aktiviteteve armiqësore dhe sabotazheve kundër Rusisë dhe Bjellorusisë, përfshirë edhe vrasjen e presidentit ukrainas Vollodimir Zelenski, kumtoi sot ministri i Punëve të Brendshme, Tomash Siemoniak.

Autoritetet polake i kanë lidhur disa zjarrvënie të kohëve të fundit ose tentativa për zjarrvënie me agjentë të sponsorizuar nga Rusia. Në mesin e të arrestuarve muajt e fundit ka shtetas të Polonisë, Bjellorusisë dhe Ukrainës, theksohet në kumtesën e Agjencisë për siguri të brendshme.

Siemoniak tha se aktet e sabotimit ishin me sa duket pjesë e një plani më të gjerë që përfshinte sulme kibernetike, duke ushtruar presion ndaj migrantëve për të kaluar nga Bjellorusia në Poloni dhe duke rrezikuar sigurinë e saj pasi ajo mbështet Ukrainën në mbrojtjen kundër pushtimit rus.

Polaku u arrestua në prill nën akuzën se ishte i gatshëm të spiunonte për intelegjencën ushtarake ruse dhe të merrte pjesë në një komplot të dyshuar për vrasjen e Zelenski, kumtuan prokurorët polakë, Ai, gjoja, kërkoi kontakt me rusët e përfshirë drejtëpërdrejtë në luftën në Ukrainë dhe pritej të transmetonte informacione të detajuara për aeroportin strategjik Zheshov-Jasionka në Poloninë juglindore, pranë kufirit me Ukrainën. ls/