Në Kuvend pauzë njëorëshe, deputetët nga E Majta kanë marrë njoftim se do të marrin informacione për shpenzimet për rrugë
Shkup, 27 qershor 2025 (MIA) - Në Kuvend para caktimit të rendit të ditës të seancës së 58-të, është shpallur pauzë njëorëshe me kërkesë të deputetit të partisë E Majta, Borisllav Kërmov.
Si dhe ditët e mëparshme para fillimit të seancave plenare, deputetët nga E Majta kërkuan pushim njëorësh sepse, siç tha Kërmovi, Sekretariati i përgjithshëm i Kuvendit ende nuk i është përgjigjur kërkesës së deputetes Jovana Mojsoska për informacion mbi shumën e shpenzimeve për rrugë dhe qirasë për disa deputetë.
"Nga Sekretariati i përgjithshëm morëm njoftim se do të marrim informacion sot. Shpresoj që të dhënat që kërkojmë të jenë të plota, do t'i shqyrtojmë dhe ndoshta kjo do të jetë pauza e fundit", tha Kërmov.
Seanca është planifikuar të vazhdojë në orën 12:00.
Foto: arkivi i MIA-s
