Shkup, 22 janar 2026 (MIA) – Në Kuvend sot mbledhje do të mbajnë dy komisione – Komisioni për Mbrojtje dhe Siguri dhe Komisioni Ligjvënës – Juridik. 

Para anëtarëve të të dyja komisioneve janë Propozimi i ligjit për ndryshime dhe plotësime të Ligjit për Punët e Brendshme dhe Propozimi i ligjit për ndryshime dhe plotësime të Ligjit për Polici, që të dyja në procedurë të shkurtër. 

Me ndryshimet dhe plotësimet mundësohet ndryshim organizativ, gjegjësisht transformim i Sektorit për Punë të Brendshme Shkup në Departament për Punë të Brendshme dhe parashihet plotësim me pozitë të re të punës – shef i Departamentit për Punë të Brendshme – Shkup. 

Ndryshimet dhe plotësimet e Ligjit për Policinë, me procedurë të shkurtër, siç sqarohet, janë për avancimin e strukturës organizative të njësiteve të policisë, me theks të veçantë në territorin e qytetit të Shkupit, ku nevojiten efikasitet më i madh, koordinim më i mirë dhe shfrytëzim optimal i burimeve njerëzore dhe materiale në Ministrinë e Punëve të Brendshme për çka me ligjin mundësohet ndryshim organizativ, gjegjësisht transformim të Sektorit për Punë të Brendshme Shkup në Departament për Punë të Brendshme – Shkup. 

“Ky njësit organizativ me ndryshimet dhe plotësimet e propozuara ligjore merr status më të lartë organizativ në kuadër të strukturës së policisë. Gjithashtu, me propozim – ligjin kryhet edhe korrigjim terminologjik në lidhje me punët kriminalistike – teknike”, theksohet në sqarimin e propozim-ligjit, i propozuar nga grup i deputetëve. 

Për shkak të nevojës për një përcaktim më të qartë të njësiteve organizative të punëve të brendshme, si dhe për specifikimin e mënyrës së përcaktimit të sektorëve të punëve të brendshme dhe Departamentit të Punëve të Brendshme - Shkup, me propozimin e ligjit për ndryshimin dhe plotësimin e Ligjit për Punët e Brendshme, përmes procedurës së shkurtuar, parashikon shtimin e një pozicioni të ri pune – shef i Departamentit të Punëve të Brendshme - Shkup.

Rregullimi i propozuar i kësaj fushe rrjedh nga modeli i vendosur në të kaluarën, sipas të cilit udhëheqësi i Departamentit të Punëve të Brendshme kishte një pozicion më të lartë në Ministrinë e Punëve të Brendshme sesa drejtuesit e departamenteve të tjera. Në të njëjtën kohë, zgjidhja ndjek edhe rregullimin territorial në vend, ku qyteti i Shkupit veçohet si organizatë e veçantë territoriale në raport me njësitë e tjera të vetëqeverisjes lokale, thuhet në propozimin e tekstit.

Kryetarja e Komisionit për Mundësi të Barabarta të Grave dhe Burrave, Zhaklina Peshevska sot do të realizojë takim me Grupin e punës për ndjekjen e zbatimit të Planit të veprimit për avancimin e barazisë ndërmjet grave dhe burrave në Kuvend. fc/

Foto: Arkivi i MIA-s