Prishtinë, 21 prill 2024 (MIA) - Kryetari i Komisionit qendror të zgjedhjeve, kreshnik Radoniqi kumtoi se deri në orën 11 në katër komuna në veri të Kosovës, ku po votohet për shkarkimin e kryetarëve aktual të komunave, gjithsej deri në orën 11 kanë votuar 85 persona, me atë që një një komunë nuk është regjistruar asnjë votë, lajmëroi korrespondenti i MIA-s nga Prishtina.

"Sipas të dhënave në këto katër komuna numri i qytetarëve që kanë votuar deri në orën 11:00 është si vijon: Leposaviq 46 votues, Zubin Potok 7 votues, Zveçan asnjë votues, në veri të Mitrovicës 32 votues", tha Radoniqi.

Ai u bëri thirrje qytetarëve që të dalin dhe të votojnë nëse janë pro apo kundër shkarkimit të kryetarëve në katër komunat në veri.

"Në emër të KQZ-së, ftoj të gjithë qytetarët e komunave Leposaviq, Zubin Potok, Zveçan dhe Mitrovicë e Veriut që ta shfrytëzojnë këtë të drejtë të tyre për të marrë pjesë në procesin e votimit dhe të deklarohen nëse janë për apo kundër largimit nga funksioni të kryetarit të komunës së tyre", tha Radoniqi. 

Numri i qytetarëve me të drejtë vote për procesin e votimit në katër komunat është 46.556 votues.

Që votimi të jetë i suksesshëm duhet që të votojnë, minimalisht, 50% + 1 qytetar. Nëse përmbushet ky kusht, atëherë brenda afateve ligjore mbahen zgjedhjet e jashtëzakonshme.

Në rast se pjesëmarrja është më e ulët se 50%+1, atëherë votimi konsiderohet i dështuar dhe një iniciativë tjetër nuk mund të merret pa kaluar 12 muaj.

Partia më e madhe e serbëve të Kosovës, Lista serbe por edhe subjekte të tjera nga ky komunitet, kumtuan se nuk do të marrin pjesë në këtë votim dhe të nejjtën e kërkuan edhe nga qytetarët serbë nga ai rajon. ab/