Shkup, 2 mars 2023 (MIA) - Në janar të këtij viti, në rajonin e SPB-Shkup, aksidentet në komunikacion me pasoja më të rënda janë ulur për 20 për qind, krahasuar me janarin e vitit të kaluar. Në dy muajt e parë të vitit 2023, shohim një ulje të dyfishtë të aksidenteve trafiku me viktima. Tani kemi tre, krahasuar me vitin e kaluar për të njëjtën periudhë, kur kishim gjashtë viktima, tha sonte ministri i Punëve të Brendshme Oliver Spasovski.

Statistikisht, siç theksoi ai, shpejtësia është shkaku më i madh i aksidenteve në komunikacion me pasoja fatale.

Spasovski, i cili sonte në Çair ka vizituar policët që punojnë në terren në këtë pjesë të qytetit, informoi se gjatë vitit 2023 në zonën e SPB-Shkup, në muajt janar dhe shkurt për drejtim të automjetit me shpejtësi më të madhe se shpejtësia e lejuar janë sanksionuar 1.815 vozitës.

Gjithashtu, në dy muajt e parë të vitit 2023 janë sanksionuar 394 drejtues automjetesh për drejtim në gjendje të dehur.

Ai shtoi se në vitin 2017 ka pasur shtatë radarë për matjen e shpejtësisë së lëvizjes së automjeteve, tetë etilometra ose zvarritës, ndërsa në këtë moment janë 144 radarë që përdoren për sigurinë në komunikacion dhe, siç tha ai, për herë të parë që nga pavarësia e shtetit, kanë 55 pajisje që janë për regjistrim natën, në mënyrë që shoferët të kontrollohen edhe gjatë natës.

Ai shtoi se ka më shumë se 50 etilometra ose zvarritës për matjen e alkoolit në gjak.

"Kontrollet e tilla do të jenë të vazhdueshme... U bëj thirrje qytetarëve që t'u përmbahen rregullave dhe rregulloreve të komunikacionit", shtoi ministri i Punëve të Brendshme. qa/bsh/