Dibër, 14 shtator 2025 (MIA) - Në Qendrën e Kulturës në Dibër, nga data 23 deri më 30 shtator do të mbahet edicioni i  24-të i Festivalit "Teatri Shqiptar në Maqedoni".

 Në këtë manifestim, i cili mbahet rregullisht në Dibër, siç informoi për MIA-n drejtori i festivalit Ylber Nuredini, para publikut do të prezantohen shtëpi teatrale nga Shkupi, Kumanova, Tetova, Gostivari, Tirana, Presheva dhe Prishtina.

"Festivalin do ta hapin anëtarët e dramës shqipe në Qendrën Kulturore "Trajko Prokopiev" nga Kumanova, me shfaqjen "Grabitja e diamantit" në regji të Qazmedin Nuredini. Në mbrëmjen e fundit para publikut dibran do të performojë Teatri Kombëtar i Kosovës - Prishtiname "ART" në regji të Bashkim Ramadanit. Menjëherë pas kësaj, është planifikuar një koncert "Valcer dhe Polka nga Shtraus" - Kuartet i udhëhequr nga Pllamenka Trajkovska, pas të cilit do të ndahen çmimet për më të mirët", tha Nuredini.

Mbajtj e festivalit mbështetet nga Ministria e Kulturës, si dhe nga kompani nga qyteti.

"Një falënderim i madh për Ministrinë e Kulturës së Maqedonisë, e cila këtë vit na ndau 1.5 milion denarë, që është dyfishi i shumës së vitit të kaluar. Nga komuna e Dibrës, presim mbështetje prej 600 mijë denarë. Sigurisht, falë edhe donatorëve të tjerë", theksoi ai.

Dhe me këtë rast, thekson Nuredini, dua të përsëris kërkesën për institucionalizimin e festivalit, të cilën e kemi bërë prej vitesh, dhe shton se pret që më në fund të realizohet. 

 Foto: Arkivi i MIA-s