Shkup, 6 maj 2025 (MIA) - Deputeti Sali Murati nga Lëvizja e turqve për drejtësi dhe demokraci në Maqedoni e cila është pjesë e "Frontit Evropian" thotë se janë të hapur për bashkëpunim me të gjitha subjektet në vend dhe se ndodhitë në koalicionin "Vlen" kanë dëshmuar se ata nuk kanë legjitimitet, përkatësisht se "Fronti Evropian" është fitues si në zgjedhjet presidenciale ashtu edhe ato parlamentare.

"Ata kanë pothuajse 80 deputetë, por ata kanë krijuar një koalicion midis mjeshtrit dhe çirakut. Duket kështu, sepse ata e dinë se vetë Arben Taravari pranoi se 70 për qind e votuesve nuk u besojnë, se nuk vlerësohen në radhët e tyre të koalicionit dhe Maqedonia, sipas meje me këtë do të futet në një krizë më të madhe politike dhe bëjmë thirrje për zgjedhje të parakohshme që të shohim se cili front do të jetë i ndershëm, çfarë presin qytetarët dhe votuesit tanë nga ne”, ka thënë Murati duke iu përgjigjur pyetjes së gazetarëve në konferencën për shtyp në Parlament.

Murati ka thënë se Fronti Evropian në zgjedhjet lokale në parim do të dalë me kandidatë të përbashkët në nivel kombëtar dhe me lista të përbashkëta ku do të ketë edhe përfaqësues nga komuniteti turk.

"Ne jemi parimor në qëndrimet tona politike dhe marrëveshjet politike. Për ne, vlerat morale janë shumë të rëndësishme për negociatat. Si përfaqësues i komunitetit turk mund të them se jemi shumë të lumtur në Frontin Evropian. E shihni se çfarë vlera afirmative kam mbrojtur prej një viti. Besoni se ndoshta jemi grupi parlamentar më demokratik në Kuvend dhe nuk kam asnjë arsye të largohem. Ne jemi të kënaqur me këtë. Nuk duam me çdo kusht të jemi në pushtet. Për sa kohë që kam lirinë të veproj si deputet në Frontin Evropian, do të jem në Frontin Evropian. Unë si pjesë e komunitetit turk, kam respekt edhe nga liderët e tjerë në Frontin Evropian dhe nga grupi parlamentar”, ka thënë Murati.

Foto: arkivi i MIA-s