Shkup, 28 tetor 2024 (MIA) - Nga Drejtoria për Punë Hidrometeorologjike (DPHM) informojnë se mëngjesin e sotëm do të ketë kushte për paraqitje të mjegullës në disa lugina. Gjatë ditës, pritet mot kryesisht me diell me erë të lehtë deri mesatare nga drejtimi veriperëndimor. Temperatura minimale pritet të jetë në interval prej -1 deri në 7, ndërsa ajo maksimale prej 21 deri në 27 gradë Celsius.

Në Shkup, paradite me kushte të mjegullës së dobët, ndërsa gjatë ditës pritet të mbajë mot me diell me vranësira të vogla dhe me erë të dobët nga drejtimi verior. Temperatura minimale do të ulet deri në 6, ndërsa ajo maksimale do të arrijë deri në 26 gradë Celsius.

Sipas paralajmërimeve, në disa lugina do të vazhdojë periudha e mjegullës dhe vranësirave të ulëta. Deri në mesin e javës do të mbajë mot me diell gjatë ditës dhe relativisht të nxehtë për këtë periudhë të vitit. Për të mërkurën, paralajmërohet se do të ketë vranësira të përkohshme, të përcjella me reshje të kohëpaskohshme të shiut, ndërsa do të ketë ulje të temperaturave ditore. rq/

Foto: arkivi i MIA-s