Shkup, 2 tetor 2025 (MIA) – Ministria e Energjetikës, Minierave dhe Burimeve Minerale vendosi qasje sistematike për mbrojtje të shtetit në proceset gjyqësore dhe në mënyrë aktive ngrit padi për pagesë të borxheve nga borxhlinjtë. 

Nga Ministria njoftuan se ishin hasur shumë lëndë gjyqësore në të cilat shteti nuk ishte përfaqësuar në mënyrë adekuate dhe nuk ishte kryer mbrojtje adekuate juridike. Për herë të parë, siç theksojnë, me qasjen e re zhvillohen të gjitha procedurat me qëllim të mbrojtjes së interesit publik, si dhe ngritjen e padive të reja për pagesën e borxheve. 

“Gjatë viteve të kaluara shteti ka mbetur pa mbrojtje aktive ligjore –dëshmitë kyçe nuk janë kundërshtuar, nuk janë marrë masa për vjetërsimin e kërkesave dhe nuk ishin mbrojtur qëndrimet shtetërore. Ministria po e ndryshon këtë qasje: është e përfshirë në mënyrë aktive në çdo proces gjyqësor, duke kërkuar mendime ekspertësh, duke koordinuar mbrojtjen me Qeverinë dhe duke filluar procedurat për pagesën e borxhit të shtetit. Është detyrimi ynë të mbrojmë pasuritë e qytetarëve dhe të vendosim rregull në procedurat ligjore”, bëhet e ditur në kumtesë.

Informojnë se Ministria ka ndërmarrë kompetencën me mbi gjashtë lëndë gjyqësore me vlerë të përgjithshme prej 421,8 milionë denarësh, të cilat paraprakisht ishin parashtruar kundër Ministrisë së Ekonomisë. Dy padi në vlerë prej 315 milionë denarësh tashmë ishin refuzuar, ndërsa vlera e lëndëve është ulur në 106,8 milionë denarë. 

“Sektori i Çështjeve Ligjore, pas shqyrtimit të dokumentacionit të sekuestruar, përcaktoi se nuk janë ngritur padi kundër debitorëve (persona fizikë dhe juridikë) për pagesën e borxhit që rrjedh nga kompensimi i papaguar. Megjithatë, në bashkëpunim me Sektorin e Burimeve Minerale, u përcaktua se ekzistojnë disa kërkesa të vjetruara bazuar në kompensimin e koncesionit, si dhe kërkesa për kompensim të papaguar të koncesionit për të cilat nuk është filluar asnjë procedurë gjyqësore dhe ka baza që shteti të kërkojë pagesën”, sqarojnë nga Ministria.

Ishin ngritur 17 procedura për pagesë të borxheve në vlerë të përgjithshme prej 32,8 milionë denarësh, prej të cilëve një pjesë ishin përfunduar me marrëveshje dhe aktvendime pozitive. Përderisa në Gjykatën Administrative zhvillohen rreth 20 lëndë në lidhje me koncesione, prej të cilave tashmë ka praktikë pozitive për refuzimin e padive dhe propozimeve për masë të përkohshme. fc/

Foto: Arkivi i MIA-s