Shkup, 17 qershor 2025 (MIA) - VMRO-DPMNE është vazhdimësi e VMRO-së historike, e themeluar në vitin 1893, kur populli ynë, megjithëse nën nënshtrim dhe presion të huaj, luftoi për identitetin e tij, për liri, për drejtësi. Ne jemi ata që e vazhdojmë atë mision të ndritshëm dhe të ndershëm, që nuk i harrojmë rrënjët, as themelet mbi të cilat u ndërtua shtetësia maqedonase. Askush nuk duhet të harrojë se këto janë themele të ndërtuara me vuajtje njerëzore, me britmën e popullit të Ilindenit dhe fitoren e popullit të KAÇKM-së, me zotimin e komitëve dhe vojvodëve, me morinë e burrave dhe grave që vdiqën për lirinë tonë, që i kapërcyen humbjet me sfidë dhe erdhën te fitoret me shpresë dhe vullnet të pathyeshëm, tha sonte nga Heraklea, kryeministri dhe kryetari i VMRO-DPMNE-së Hristijan Mickoski.

Në fjalimin me rastin e jubileut – 35-vjetorit të formimit të VMRO-DPMNE-së, Mickoski theksoi se kjo ditë nuk është vetëm festë, por është edhe thirrje për përgjegjësi, thirrje për shpresë dhe unitet. 

“VMRO-DPMNE është trashëgimtarja legjitime dhe ideologjike e VMRO-së. Ajo që e dallon këtë parti nga të tjerat është besimi i saj i palëkundur në popull, në vlerat e tij dhe në drejtësi si shtylla jonë më e fortë. Dhe për këtë arsye, këta koka të bardha dhe të mençura që janë me ne sot, por edhe shumë që nuk janë më me ne, por që e kujtojmë veprën e të cilëve, konfirmojnë madhështinë historike të kësaj organizate që ekzistonte, ekziston dhe do të vazhdojë të ekzistojë për kauzën tonë të vetme dhe më të madhe – Maqedoninë”, theksoi Mickoski.

Sipas tij, VMRO-DPMNE-ja është më shumë se organizatë politike. Ajo është frymë e gjallë, origjinë dhe vazhdimësi e luftës maqedonase për liri dhe drejtësi, parti e cila qëndron në themelet e guximit, dinjitetit, patriotizmit dhe nderit, partia në shtabet dhe ngjarjet e të cilës ende janë të gjallë tregimet dhe tregohet sakrifica e Hristo Uzonovit, i përulet veprës së Goce Dellçevit, kujton bëmat heroike të Aleksandro Turunxhevit, Gjorçe Petrovit, Nikolla Karevit.

“Mbi këto themele ndërtojmë të ardhmen. Dhe për këtë arsye sot, në këtë kohë shprese, ju them – VMRO-DPMNE është fanari që ndriçon errësirën që e ka mbuluar vendin tonë për një kohë të gjatë. Shumë nga vëllezërit dhe motrat tona janë të përfshirë në rritjen e partisë, në humbjet dhe fitoret tona. Si ata që kanë të njëjtat mendime me ne, por edhe ata që menduan ndryshe, por prapë ndajnë idetë tona dhe në zemrën e të cilëve është VMRO-ja, dua t'ju dërgoj mirënjohjen time për përkushtimin dhe dëshirën e tyre të sinqertë për Maqedoninë. VMRO-DPMNE është një parti për shumë njerëz, por për shumë prej nesh është mbi të gjitha një ide që nuk ndalet dhe vlera që sjellin ndryshim. Ato ndryshime sollën pavarësinë, ajo etje për shtetin e vet i solli ata të marrin pjesë në krijimin e themeleve të shtetit, të cilat më pas u tronditën fort, u gërryen dhe u shkatërruan shumë herë. Por ne nuk u dorëzuam sepse besuam në ideologjinë tonë dhe sepse e duam atdheun tonë”, theksoi lideri i partisë dhe kryeministri.

Siç nënvizoi Mickoski, VMRO-DPMNE-ja e bart edhe barrën dhe dritën e një lufte që zgjat më shumë se një shekull e gjysmë. 

“Me nder dhe përgjegjësi të madhe, qëndroj para jush në këtë ditë kur shënojmë 35 vjet nga themelimi i partisë sonë — ideja jonë e madhe, ideja jonë e përjetshme. Ideja që nuk ndalet, që nuk bie, që digjet në zemrat e secilit prej nesh. Partia jonë, si pasardhëse legjitime dhe ideologjike e VMRO-së historike të vitit 1893, mban barrën dhe dritën e një lufte që ka zgjatur më shumë se një shekull e gjysmë, që nga ditët e para të Organizatës së Brendshme Revolucionare Maqedonase që u ngrit kundër padrejtësisë dhe shtypjes deri më sot, kur luftojmë kundër armiqve të padukshëm, por jo më pak të rrezikshëm — korrupsionit, tradhtive dhe shkatërrimit të institucioneve”, tha Mickoski.

Shënimi i jubileut të partisë bëhet nën moton “Ide që nuk ndalet, vlera që sjellin ndryshime”, ndërsa mbahet në Herakleia Lynkestis, Manastir, Filloi me intonimin e himnit maqedonas pas çka u interpretuan këngë burimore maqedonase. Në shënimin e kësaj ngjarje marrin pjesë anëtarë, simpatizues, themelues dhe funksionarë të lartë të VMRO-DPMNE-së, anëtarë të Qeverisë dhe partnerë të koalicionit. fc/