Shkup, 20 tetor 2025 (MIA) - Mbi temën për zgjedhjet e parakohshme parlamentare disa herë jam përgjigjur. Kur jam përgjigjur rreth këtyre pyetjeve në të kaluarën e dija se do të ndodhte ajo që ndodhi dhe e dija se kjo lloj politike nga katër, pesë dekada nga shekulli i kaluar do të mposhtej në këto zgjedhje dhe kisha të drejtë. Dhe për këtë arsye kam thënë shumë herë se BDI dhe Ali Ahmeti do të jenë të befasuar në mënyrë të pakëndshme dhe padyshim janë të befasuar në mënyrë të pakëndshme, deklaroi kryeministri dhe kryetari i VMRO-DPMNE-së Hristijan Mickoski në konferencën e sotme për shtyp ku shpalli fitore të madhe në zgjedhjet lokale.

Në përgjigjen e pyetjes së gazetarëve, Mickoski tha se tema e BDI-së u mbyll sot dhe se nuk duhet të lejojmë që ajo të jetë më e pranishme në publik.

Mickoski tha se nuk ka numër të saktë të votave të fituara, por në përqindje, VMRO-DPMNE dhe koalicioni, siç tha ai, "kanë fituar rreth dyzet e dy, tre për qind të numrit të përgjithshëm të votave që kanë dalë.

"Sa i përket përqindjes, mendoj se kemi fituar më shumë se sa në zgjedhjet e fundit parlamentare dhe shumë më tepër sesa në vitin 2021", ka thënë Mickoski.

Foto: MIA