Negotinë, 26 korrik 2024 (MIA) - Kryeministri Hristian Mickoski sot në malin Serta paralajmëroi reforma në sektorin e menaxhimit të krizave dhe ndryshime në Ligjin për zjarrfikësit. Duke dalë në terren, ai shprehu mirënjohje të madhe për njerëzit që luftuan me flakët në malin Serta që zgjati disa ditë. Zjarri veçmë është shuar plotësisht prej disa ditësh, informojnë nga Pres shërbimi qeveritar.

Sipas kumtesës qeveritare, Mickoski së bashku me nënkryetarin e Qeverisë Lupço Dimovski, së bashku me deputetët, kryetarët, deputetët dhe drejtorin e Qendrës për Menaxhim me Kriza kanë qenë në vendin ku së bashku u shtrëngonin dorën personave që gjatë javëve të fundit, disa herë ata rrezikuan jetën për të shpëtuar sa më shumë territor nga stuhia e flakëve.

Mickoski paralajmëroi se Qeveria në periudhën e ardhshme do të bëjë reforma të mëdha strukturore në sektorin për menaxhim me kriza, gjë që është shumë domethënëse. Por, ndërkohë ka filluar procedura për miratimin e Ligjit për zjarrfikësit, me çka do të përmirësojë ndjeshëm kushtet e punës së këtyre personave.

"Unë erdha së bashku me njerëzit këtu që janë me mua për të shprehur mirënjohjen time të madhe për njerëzit që gjatë javëve të fundit, do ta përsëris sakrifikuan jetën e tyre për t'u përballur me zjarrin. Në emrin tim dhe në emër të Qeverisë, falënderim i madh. Dhe mbi të gjitha do të doja që kjo të mos përsëritet më, por e di që edhe nëse do të përsëritet dhe nëse do të jetë e nevojshme, ata nuk do të kursejnë më jetën dhe do ta rrezikojnë sërish për të mposhtur stuhinë e flakëve. Dhe sigurisht që duhet të vazhdojmë të bëjmë gjithçka që kemi në dorë për të përmirësuar kushtet e punës së këtyre njerëzve", theksoi kryeministri në malin Serta nga ana e Negotinës, kumtuan nga Qeveria. rq/