Mickoski nga Ohri: LSDM-ja e deligjitimuar nga pushteti, BDI-ja e detronizuar
- Vetëm me qeveri kalimtare mund të sigurojmë bashkim kombëtar dhe besim te qytetarët, si dhe ta dërgojmë Bashkimin Demokratik për Integrim në opozitë pas 20 vjetësh dhe kriminelët të përgjigjen, theksoi lideri i VMRO - DPMNE-së, Hristijan Mickoski në forumin e sonte “Politika për kulturë të fortë dhe turizëm të zhvilluar”, i cili u mbajt në Ohër në kuadër të aksionit “Kjo është Maqedonia për të gjithë”.
![Mickoski nga Ohri: LSDM-ja e deligjitimuar nga pushteti, BDI-ja e detronizuar](https://mia.mk/images/20230609220705_big_730x400_16.webp )
Ohër, 9 qershor 2023 (MIA) - Vetëm me qeveri kalimtare mund të sigurojmë unitet kombëtar dhe besim te qytetarët, si dhe ta dërgojmë Bashkimin Demokratik për Integrim në opozitë pas 20 vjetësh dhe kriminelët të përgjigjen, theksoi lideri i VMRO - DPMNE-së, Hristijan Mickoski në forumin e sontëm “Politika për kulturë të fortë dhe turizëm të zhvilluar” i cili u mbajt në Ohër në kuadër të aksionit “Kjo është Maqedonia për të gjithë”.
Duke sqaruar arsyet pse në takimin e liderëve me kryetarin e LSDM-së dhe kryeministrin Dimitar Kovaçevski propozoi qeveri kalimtare pa BDI-në, Mickoski tha se kjo nuk do të nënkuptonte amnisti për krimin, por detronzim të BDI-së dhe shtetit, nuk do të kishte një kryeministër që nuk u zgjodh nga populli.
“Ne do t'i luftojmë kriminelët nga brenda institucioneve shumë më me sukses se nga jashtë, dhe muaj më vonë qeveria jonë e udhëhequr nga VMRO-DPMNE dhe koalicioni do të sjellin para drejtësisë, para gjykatave gjithçka që do të bëhet në këtë qeveri kalimtare. Kushdo që ka gabuar do të mbajë përgjegjësi dhe nuk ka amnisti përderisa unë jam kryetar i VMRO-DPMNE-së. Ne do ta kemi nën kontroll procesin zgjedhor. Nuk do të mund të grabitet vullneti i popullit, fushata e rreme, votat e vjedhura të qytetarëve, sepse ne do ta udhëheqim atë proces. Vetëm kështu mund të sigurohet bashkimi kombëtar dhe besimi i qytetarëve dhe pas 20 vitesh ta dërgojmë BDI-në në opozitë dhe kriminelët të përgjigjen. Kjo është e ardhmja e Maqedonisë dhe qytetarëve tonë", tha Mickoski.
Ai para qytetarëve të Ohrit shprehu besimin se integrimi në Bashkimin Evropian dhe ruajtja e dinjitetit kombëtar, gjuhës dhe veçantisë është e mundur, në kundërshtim me atë që, siç theksoi, thotë LSDM, se integrimi është i mundur vetëm me ndryshime kushtetuese nën diktat bullgar. Është vendosur që pa integrim evropian dhe identitet të mbrojtur nuk do të ketë ndryshime kushtetuese.
"Dhe për këtë kam vënë dy oferta në tavolinë. E para është formimi i një qeverie kalimtare të të gjitha partive, pa BDI-në në të. Një qeveri në kushtet tona pa pjesën e kriminalizuar të strukturës aktuale, kur do të duhet të sjellë ndryshime në Kushtetutë me efekt të vonuar që do të hyjnë në fuqi me anëtarësimin e Maqedonisë në BE. Kështu, marrim garanci se Maqedonia do të jetë në rrugë të shpejtë për Bashkimin Evropian dhe se frenuesi i integrimit tonë, Bullgaria, do të interesohet aktivisht për evropianizim më të shpejtë të vendit. Oferta e dytë janë zgjedhje tani, duke dhënë garanci nga institucionet evropiane për mbrojtjen e interesave kombëtare dhe shtetërore si dhe një pako ekonomike për një jetë më të mirë në vend në disa arsye, dhe më pas miratimi i ndryshimeve në kushtetutë me detyrimin opozita ta mbështetë procesin se si do të garantohej uniteti kombëtar kur është fjala për garantimin e mbrojtjes së interesave shtetërore dhe kombëtare", theksoi Mickoski.
Ai theksoi se euforia në partinë në pushtet se VMRO-DPMNE ka pranuar ndryshimet kushtetuese është e rreme dhe se po të ishte e vërtetë do të ishte hedhur në seancën e Kuvendit menjëherë pas mbledhjes së kryesisë.
Në zgjedhjet e ardhshme parlamentare, ai vuri në dukje se qytetarët do të kenë tri zgjedhje.
"E para është koalicioni i udhëhequr nga VMRO - DPMNE, i dyti është ai i BDI-së dhe LSDM-së dhe oferta e tretë do të jenë patriotët e paguar dhe populistët e rrejshëm që do të thonë çfarë të dojë populli të dëgjojë, me qëllimin e vetëm për të ndarë anti votat e qeverisë në Maqedoni, të ndajnë votat e qytetarëve për të zvogëluar fitoren dhe triumfin e koalicionit të paraqitur nga VMRO-DPMNE", tha Mickoski.
Kryetari i komunës së Ohrit, Kiril Pecakov, duke folur në forumin "Politika për një kulturë të fortë dhe turizëm të zhvilluar", vuri në dukje se pushteti lokal ka vite që po përballet me borxhin e trashëguar, por se me punët të mirë, llogaria do të zhbllokohet shpejt. Ai tha se ndjen mungesën e mbështetjes nga pushteti qendror, por theksoi se do të vazhdojë të punojë dhe të përmirësojë jetën e banorëve të Ohrit.
Përveç liderit të VMRO-DPMNE-së Mickoski dhe kryetarit të komunës së Ohrit Pecakov, në tribunë para qytetarëve të Ohrit folën edhe deputetë, anëtarë të Komitetit Ekzekutiv të partisë dhe komisioneve partiake. ls/
Foto: MIA dhe VMRO-DPMNE