18:00 / 10 shtator / 2025

Shkup - Gjykimi kundër ish-drejtorit të Klinikës së Radioterapisë dhe Onkologjisë në Shkup, Nino Vasev dhe tre onkologëve të akuzuar për trajtim neglizhent të pacientëve vazhdoi sot në Gjykatën Themelore Penale në Shkup me dëshmitarë nga Prokuroria Themelore Publike. Dëshmitarja Julija Macievska, nëna e të ndjerës Adriana Naçevska, duke iu përgjigjur pyetjeve nga Prokuroria, rrëfeu përvojën e vështirë që kaloi vajza e saj pasi filloi trajtimin në Klinikën e Onkologjisë në shtator të vitit 2020. Kur u pyet nëse vajza e saj ishte testuar para se të merrte terapinë, Macievska tha se ishte bërë vetëm një analizë gjaku, por pesha e saj nuk ishte matur kurrë. Lidhur me faktin se kur vuri re për herë të parë se shëndeti i vajzës së saj po përkeqësohej, Macievska tha "pasi filloi të merrte imunoterapi". “Ndërsa merrte kimioterapi, ajo kishte gjendje vërtet serioze, fjalë për fjalë një shpërthim të trupit… Pesha trupore e Adrianës nuk u mat kurrë, tani lexova se duhej bërë. Sigurisht, ngrita alarmin për gjendjen, sepse pata një telefonatë nga Nino dhe Meri, por përgjigjet ishin se ishte normale pas çdo terapie dhe se ajo do të shërohej. Adriana besonte aq shumë saqë kur shkuam në Onkologji, e pamë Dr. Ninon si një zot. Nuk mund të them se nuk ishin të sjellshëm në fillim. Ne disi e shtymë kimioterapinë dhe ajo u e mori veten, madje përgatiti një ekspozitë të tërë, derisa filluan ato imunoterapitë”, tha Macievska.

Shkup - Deponia "Vardarishte" nuk është krijuar nga kjo Qeveri në 15 muajt e fundit. Ajo është krijuar 35 vjet, e ndoshta edhe më shumë, por ne do ta zgjidhim. Do ta rregullojmë edhe deponinë "Drislla", do ta mbushim dhe do të duket si deponi bashkëkohore evropiane me fabrikë, e cila do të prodhojë energji dhe do të prodhojë, deponojë dhe reciklojë mbeturina. Këtë e premtoi sot kryeministri Hristijan Mickoski, duke u përgjigjur në pyetjet e gazetarëve pas vizitës së tij në Komunën e Gazi Babës, ku kreu inspektim në aktivitetet ndërtimore në disa projekte. Kjo, theksoi, do të jetë partneritet publik-privat, me tender publik dhe kritere të qarta. "Dhe tani po ju them, përsëri do të ketë disa organizata joqeveritare, të cilat do të jenë kundër. Por duhet të qëndrohet. Në jetë, gjërat ideale nuk janë të mundura, duhet të luftosh. Lufto për atë në të cilën beson. Unë besoj se kjo është e drejtë dhe do të luftoj", tha Mickoski. 

Shkup - Ministri i Punëve të Jashtme dhe Tregtisë së Jashtme, Timço Muçunski, sot në Strasburg - në zemër të institucioneve evropiane - mori pjesë dhe mbajti fjalim në një ngjarje solemne me rastin e shënimit të Ditës së Pavarësisë: 34 vjet pavarësi e Maqedonisë dhe 30 vjet anëtarësim i Republikës së Maqedonisë së Veriut në Këshillin e Evropës, kumtuan nga Ministria e Punëve të Jashtme dhe Tregtisë së Jashtme. Në fjalimin, ministri Mucunski kujtoi rëndësinë e 8 shtatorit 1991, kur qytetarët e Maqedonisë "me një zë u shprehën në referendum, duke u përcaktuar për një shtet të pavarur dhe sovran - kulminacionin e aspiratave shekullore të popullit të Maqedonisë për vetëvendosje dhe një jetë dinjitoze në atdheun e tyre".

Shkup - Sot në Ministrinë e Shëndetësisë u mbajt mbledhja konstituive e parë e Këshillit Shëndetësor, ku mori pjesë edhe ministri i Shëndetësisë, Azir Aliu. Këshilli Shëndetësor, si trup këshillues i ministrit të Shëndetësisë, sipas Ligjit për mbrojtje shëndetësore, përbëhet nga nëntë anëtarë – profesorë të shquar, doktorë shkencash nga sfera të ndryshme, prej të cilëve disa janë edhe ekspertë të njohur ndërkombëtarisht me biografi mbresëlënëse dhe punime shkencore.

Shkup - Anëtarët e Komisionit Shtetëror Zgjedhor (KSHZ) mbajtën seancën e tyre të 134-të të rregullt, në të cilën morën disa vendime në funksion të zgjedhjeve të ardhshme lokale. Anëtarë të KSHZ-së konfirmuan ndryshime në formularin, i njohur si Formulari numër 16, i cili thjeshtëson punën e Komisioneve Zgjedhore Komunale (KKZH) gjatë përmbledhjes së rezultateve në qendrat e votimit, ku plotësohen procesverbalet. Sipas anëtarëve të KSHZ-së, me Formularin 16-të mundësohet punë me efikase në Komisionet Zgjedhore Komunale.

Shkup - Deri dje (9 shtator), në Listën zgjedhore për Zgjedhjet Lokale të vitit 2025 në sektoret rajonale të Komisionit Shtetëror të Zgjedhjeve (KSHZ) janë kontrolluar gjithsej 5.729 qytetarë, prej të cilëve 3.397 burra dhe 2.332 gra. Siç informojnë nga KSHZ-ja për MIA-n, tetë persona kërkuan regjistrim në Listën zgjedhore, 136 persona kërkuan fshirje, prej të cilëve 134 për shkak të vdekjes dhe dy persona për shkak të largimit nga shteti. Gjithsej 59 persona kërkuan ndryshime në të dhënat e tyre në listën zgjedhore, më shpesh për shkak të ndryshimit të mbiemrit ose ndryshimit të adresës së banimit. Verifikimi i Listës zgjedhore zgjat deri nesër, më 11 shtator (e enjte) në mesnatë. 

Shkup - Sporti është një nga prioritetet kryesore të Qeverisë dhe Ministrisë së Financave, prandaj përkrahja për sportin është fokusi i punës së kësaj Qeverie, tha ministrja e Financave, Gordana Dimitrieska - Koçoska në Samitin Rajonal të Sportit, Shkup 2025, me temën “Sporti si simbol i identitetit kombëtar dhe një rrugë drejt së ardhmes. E ardhmja e sportit: Strategji kombëtare, investime dhe inovacione”. “Investimi në sport krijon komb të shëndetshëm, ndërsa sporti është e vetmja mënyrë për ta arritur këtë. Nëse duam të kemi ekonomi, duhet të kemi komb të shëndetshëm, të disiplinuar, të përkushtuar dhe të fokusuar në fitore”, theksoi ministrja. Sipas saj, është e rëndësishme që çdo fëmijë të ketë qasje në sport dhe për këtë arsye po investohet shumë në sportet shkollore.

Kumanovë - Ngadalësimi i inflacionit në nivel mujor është një tregues i mirë edhe i inflacionit bazë, thotë kryeministri Hristijan Mickoski, i cili pret që trendi të vazhdojë dhe të arrijë nën tre përqind. Në deklaratën e sotme për mediat, duke iu përgjigjur pyetjeve gazetareske, ai tha se po udhëheqin një politikë të qëndrueshme makroekonomike. "Po, kjo është norma mujore, përfshirë edhe normën vjetore. Nëse shikohet krahasuar me korrikun, kemi ulje nga 4.9 në 4.4 për qind. Pres që ky trend ngadalë të vazhdojë dhe të arrijmë ato përqindje stabile, do të thoja 2 – 2.5 për qind. Kjo është ajo që e presim në periudhën që vjen – tha Hristijan Mickoski.

Kumanovë - Policia e Kumanovës ka ngritur kallëzime penale kundër tre personave nga Kumanova, përfshirë një të mitur, për shkaktim zjarri në lagjen "Bavçi" duke djegur kabllo për të nxjerrë bakër, kumtoi sot policia. "SPB Kumanovë ngriti kallëzim penal kundër R.R. (29), A.A. (28) dhe një djali 14-vjeçar, të gjithë nga Kumanova, për shkak të ekzistencës së bazave të dyshimit për kryerjen e veprës penale “shkaktim i rrezikut të përgjithshëm”. Më 13 korrik, në vendin e quajtur “Bavçi” në Kumanovë, të akuzuarit kanë djegur kabllo me qëllim nxjerrjen e bakrit, gjatë së cilës zjarri u përhap dhe përfshiu barin e thatë në rrethinë", kumtoi MPB-ja

Gostivar – Kryeministri Hristijan Mickoski, Kryetari i Komunës Boban Stefkovski dhe anëtarët e Këshillit Komunal Gazi Baba vizituan tre vende ku po zbatohen projekte infrastrukturore. Kryetari Stefkovski theksoi se qendra sportive në fshatin Idrizovë është në fazën përfundimtare, e cila do të përmbajë zonë fitnesi dhe fusha të vogla futbolli, një fushë basketbolli dhe një kënd lojërash për fëmijë. Në fshatin Trubarevë janë inspektuar punimet e fundit të kopshtit, të cilat së shpejti do të vihen në përdorim. Lagjja e Hipodromit po i nënshtrohet rikonstruksionit të rrugës Komuna e Parisit, rruga kryesore në lagje, e cila, tha ai, u financua me para nga thirrja e dytë e qeverisë. "Përveç këtyre, një numër projektesh po zbatohen në territorin e komunës së Gazi Babës, po ndërtohet shkollë e re në Çento, sallë sportive në Creshevë, rikonstruksion i shtëpisë "11 Tetori", kopsht fëmijësh në Inxhikovë, po asfaltohen rrugë në disa vende, po ndërtohen kanalizime. Në katër vitet e fundit, Komuna e Gazi Babës shënon zhvillim historik, siç dëshmohet nga të gjitha projektet e realizuara, dhe kjo do të vazhdojë në favor dhe interes të qytetarëve," tha Stefkovski pas vizitës në vendbanimin Hipodrom.

Koçan – Ambasadorja e Shteteve të Bashkuara të Amerikës, Anxhela Ageler sot ishte për vizitë zyrtare në Organizatën Komunale të Kryqit të Kuq në Koçan ku u takua me vullnetarët, psikologët dhe përfaqësuesit e shërbimit zjarrfikës në Koçan. Gjatë vizitës ambasadores Ageler i ishin prezantuar aktivitetet e ndërmarra të Kryqit të Kuq në nivel lokal gjatë ngjarjes tragjike nga 16 marsi i këtij viti dhe ditët më vonë. Të pranishmit patën mundësi të ndajnë përvojat e tyre dhe mësimet e mësuara nga tragjedia para ambasadores amerikane. 

Tiranë - Numri i nxënësve në shkollat ​​fillore dhe të mesme në Shqipëri po ulet, mesatarisht për 10 mijë nxënës çdo vit. "Të dhënat nga Instituti i Statistikave (INSTAT) tregojnë se në vitin 2015 kishte 362 mijë nxënës në arsimin parauniversitar, ndërsa në vitin shkollor 2024-2025 kishte 250 mijë. Gjithsej 112 mijë nxënës më pak në arsimin parauniversitar, në afat prej një dekade, që është ulje prej 31 për qind", publikuan mediat. Rënia është edhe më e madhe kur flitet për arsimin nëntëvjeçar, me 125 mijë fëmijë më pak në shkollë midis viteve 2014 dhe 2024. Vetëm në pesë vitet e fundit, arsimi shqiptar ka humbur mbi 61 mijë nxënës.

Tiranë – Lideri i partisë më të madhe opozitare shqiptare Partia Demokratike, Sali Berisha deklaroi se bojkotimi i jetës parlamentare nuk është opsion për partinë e tij. Edhe pse i quan zgjedhjet, të mbajtura më 11 maj farsë zgjedhore, nuk i njeh rezultatet, Berisha theksoi se nuk mund të ketë “mungesë” në Kuvend. “Personalisht, mendoj se në këtë diktaturë nuk duhet të lëmë asnjë hapësirë ​​bosh nga e cila të mos luftojmë kundër saj. Nëse ka një gjë themelore që kërkohet nga secili prej nesh, është qëndrimi se si do të ndryshojmë në raport me narkodiktaturën, organizatën që uzurpoi pushtetin. Ne nuk i njohim zgjedhjet, por do të shkojmë në Kuvend”, deklaroi Berisha.

Paris – Të paktën 200 protestues janë arrestuar në protestën e sotme të organizuar nga lëvizja "Bllokojmë gjithçka" kundër shkurtimeve të planifikuara të buxhetit. Protestuesit në të gjithë Francën ngritën sot barrikada, bllokuan trafikun, i vunë flakën kontejnerëve dhe u përleshën me policinë, e cila përdori gaz lotsjellës. Në rrjetet sociale janë publikuar video-incizime ku shihet se si policia speciale ndërhynë kundër një gazetari që raportonte nga protesta në Paris. Dëshmitarët okularë pohojnë se policia po godet dhe po shtyn përfaqësuesit e mediave, megjithëse ata kishin shenja të qarta se janë gazetarë.

Bruksel – Ministri belg i Mbrojtjes, Teo Franken e quajti dëmtimin e hapësirës ajrore të NATO-s nga ana e Rusisë “të papranueshme”, transmetoi agjencia belge e lajmeve Belga. “Ne duhet ta rrisim më tej vigjilencën tonë dhe t’i përgjigjemi në mënyrë të përshtatshme çdo forme agresioni rus”, shkroi ai në X. Ai gjithashtu bëri thirrje për t’i dhënë përparësi furnizimit me asete kundër dronëve, duke shtuar se një “furnizim i madh” do të vijë së shpejti. Sipas presidentit ukrainas Volodomir Zelenski, dronët që shkelën hapësirën ajrore polake mbrëmë ishin pjesë e një sulmi në mesnatë ndaj Ukrainës që përfshinte më shumë se 400 dronë. Të paktën tetë dronë hynë në hapësirën ajrore të NATO-s, gjë që ai e quajti një "precedent jashtëzakonisht të rrezikshëm për Evropën".

Moskë - Ministria ruse e Mbrojtjes u deklarua pas sulmeve të dronëve rusë në hapësirën ajrore polake, për të cilën paraprakisht njoftoi Varshava. "Objektivat e sulmit janë realizuar. Të gjitha objektivat e përcaktuara u goditën. Asnjë objektiv në territorin polak nuk ishte planifikuar si cak", thekson në kumtesën e ministrisë. Ata shtojnë se rrezja e veprimit të dronëve rusë të përdorur në sulmin, të cilët dyshohet se kaluan kufirin polak, "nuk kalon 700 kilometra". "Megjithatë, jemi të gatshëm të zhvillojmë konsultime me ministrinë polake të Mbrojtjes për këtë çështje", theksoi ministria ruse e Mbrojtjes.

Moskë - Armata ruse kumtoi se nuk ka pasur qëllim të sulmonte objektiva në territorin polak, kumtoi Ministria ruse e Mbrojtjes, pa konfirmuar nëse dronët kanë hyrë në hapësirën ajrore polake. MM ruse shprehu gatishmëri për konsultime me Ministrinë e Mbrojtjes së Polonisë. Në kumtesën e MM së Rusisë, theksohet se armata i sulmoi impiantet ushtarake ukrainase në rajonet Ivano-Frankivsk, Hmelnicki dhe Zhitomir, si dhe në qytetet Vinica dhe Lviv.

Londër – Mbrojtësi i Totenhemit, Xhed Spens (25) hyri në histori si myslimani i parë që luajti në fanellën e kombëtares së Anglisë. Futbollisti i lindur në Londër hyri në lojë në minutën e 69-të të ndeshjes kualifikuese të Anglisë për Kampionati botëror në Beograd të martën në mbrëmje, e cila përfundoi me fitore të ekipit anglez prej 5-0. "Jam i befasuar që jam i pari, kështu që është një bekim. Është mirë të bësh histori dhe shpresoj që kjo t'i frymëzojë fëmijët në mbarë botën të kenë sukses siç pata unë. Pavarësisht fesë suaj, besoni në Zot", tha Spens.