2 shtator 2023 

Njeriu i parë i Lëvizjes Demokratike Izet Mexhiti, në një intervistë për Euronews Albania tha se shqiptarët në Maqedoninë e Veriut për herë të parë do të kenë dy opsione, pozitë dhe opozitë serioze, për herë të parë të gjithë të pakënaqurit me gjendjen në vend do të kenë për kë të votojnë dhe kjo ka ngjallur shpresën te qytetarët se do të ndodh ndryshimi i shumëpritur.

"Për një muaj e gjysmë, ndryshimi vërehet. Shqiptarët tani kanë dy opsione, kemi kontribuar të ketë dy blloqe, pozitë dhe opozitë, ne do të mundohemi ta gjejmë diagnozën e sëmundjes dhe dështimeve të qeveritarëve tanë dhe do dalim me zgjidhje konkrete dhe jo vetëm me kritika, nuk do t'i ndajmë politikanët dhe partitë në tradhëtarë si deri tani, por në bazë të punëve dhe dështimeve", tha Mexhiti, i cili shtoi se me BDI-në mund të ulen vetëm si palë të barabarta.

Lëvizja Demokratike

_____________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.