Shkup, 30 dhjetor 2024

Zëvendëskryeministri i parë shqiptar në Maqedoninë e Veriut, Izet Mexhiti, ka reaguar ashpër ndaj deklaratës së liderit të BDI-së, Ali Ahmeti, për bashkëpartiakun Artan Grubi, i cili pas shpalljes në listën e zezë të SHBA-së dhe përndjekjes nga organet hetuese maqedonase, dyshohet se ndodhet i fshehur në hapësirat shqiptare.

“Hapësira shqiptare nuk është strehë për të korruptuarit dhe non-gratat! Mos e njollosni hapësirën shqiptare me vulën e korrupsionit duke e implikuar në fshehjen e të akuzuarve për korrupsion dhe keqpërdorim të pozitës zyrtare,” shkroi Mexhiti.

Ai theksoi se hapësira shqiptare duhet të mbetet simbol i krenarisë dhe dinjitetit. “Personat non-grata nga lista e zezë amerikane nuk guxojnë t’i bëjnë shtetet shqiptare pengje të drejtësisë dhe t’i implikojnë në keqpërdorimet e tyre. Ky është turp për politikën dhe politikanët shqiptarë të Maqedonisë së Veriut,” përfundoi Mexhiti.

Reagimi i tij pason kritikat ndaj politikave të BDI-së dhe rolin e saj në mbrojtjen e figurave të përfshira në skandale korrupsioni.

Lëvizja Demokratike

__________________________________________________________________________________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit. 

Foto: MIA arkiv