Moskë, 8 korrik 2025 (MIA) - Zëdhënësi i Kremlinit, Dmitri Peskovi,  sot deklaroi se furnizimi me armë për Kievin nuk është në përputhje me përpjekjet për të promovuar një zgjidhje paqësore të konfliktit në Ukrainë.

 Duke komentuar furnizimet me armë për Ukrainën nga SHBA-ja dhe Evropa, Peskovi vlerësoi se Perëndimi mbështet vazhdimin e konfliktit, duke deklaruar se furnizimet me armë për Kievin ka shumë të ngjarë të mos synojnë një zgjidhje paqësore, por vazhdimin e operacioneve ushtarake.

 Ai shtoi se ka informacione kontradiktore në lidhje me sasinë e armëve që mbërrijnë në Ukrainë.

 "Është e qartë se këto aksione nuk promovojnë një zgjidhje paqësore. Më saktësisht, në këtë rast, linja e zgjedhur nga evropianët synon absolutisht promovimin e vazhdimit të veprimeve ushtarake në çdo mënyrë të mundshme", deklaroi Peskovi para gazetarëve, duke shtuar se "Rusia është ende duke pritur që pala ukrainase të propozojë data për një raund të ri negociatash të drejtpërdrejta".

 Peskovi deklaroi se Moska do të shpallë datat e dakordësuara sapo t'i marrë, raportuan mediat ruse.

 Foto: Arkivi i MIA-s