Stokholm, 6 maj 2024 (MIA) - Mbreti danez Frederiku i Dhjetë dhe bashkëshortja e tij mbretëresha Meri sot e vizituan Suedinë, që është vizita e tyre e parë zyrtare jashtë vendit pasi u bënë monarkë në janar të këtij viti. 

Çifti mbretëror u prit solemnisht në Stokholm nga princesha Viktoria dhe bashkëshorti i saj Daniel, si dhe mbreti suedez Karli i Gjashtëmbëdhjetë. 

Me monarkët danezë për vizitë në Suedi janë edhe ministrat danezë të mbrojtjes dhe punëve të jashtme, ndërsa është paralajmëruar edhe takim me kryeministrin suedez Ulf Kristerson dhe me kryetarin e Parlamentit suedez, Andreas Norlen. fc/

Fotografia: EPA