Shkup, 2 maj 2023 (MIA) - Kryetari i Kuvendit të Republikës së Maqedonisë së Veriut, Talat Xhaferi, sot ka mbajtur një koordinim të rregullt me ​​koordinatorët e grupeve parlamentare dhe përfaqësuesit e partive politike të përfaqësuara në Kuvend, në rendin e ditës të së cilës, siç informojnë nga shërbimi për shtyp parlamentar, ishte edhe prezantimi i Marrëveshjes për ndërtimin e Korridorit 8 dhe 10d para deputetëve në Kuvend.

"Qëndrimi i të pranishmëve në koordinim është se, duke qenë se nisma është e opozitës, ndërsa opozita nuk merr pjesë në koordinim; opozita t'i propozojë kryetarit organ kompetent për shqyrtimin e Marrëveshjes dhe të përcaktojë datën kur do të shqyrtohet Marrëveshja. Menjëherë pas hapjes së seancës së komisionit, deputetët do të deklarojnë mbylljen e seancës për publikun, thuhet në njoftimin nga koordinimi në Kuvend.

Duke pasur parasysh se marrëveshja është e klasifikuar, pra vetëm deputetët që posedojnë certifikatë sigurie kanë njohuri për përmbajtjen e saj, sipas kumtesës, Marrëveshja do të shqyrtohet në një seancë të Komisionit, e cila do të jetë e mbyllur për publikun dhe do të marrin pjesë vetëm deputetë të cilët kanë certifikata sigurie. ls/