Shkup, 13 dhjetor 2024 (MIA) - Gjatë 24 orëve të kaluara janë larguar dhe transportuar 30 metra kub mbetje nga deponitë e egra në komunat Gjorçe Petrov dhe Çair të Shkupit.

Siç informon "Higjiena komunale" - Shkup, kanë filluar aktivitetet për largimin e një sasie më të madhe të mbetjes komunale të vëllimshme, të përziera dhe nga paketimet e kartonit të hedhura në mënyrë të paligjshme në rrugën Lihnida në komunën Gjorçe Petrov. Aktivitetet për pastrimin e këtij lokacioni do të vazhdojnë edhe gjatë ditës së sotme.

Janë pastruar edhe disa deponi të vogla të egra në rrugët "Cvetan Dimov" dhe "Xhon Kenedi" në komunën Çair, ku janë larguar përafërsisht 20 metra kub mbetje ndërtimore dhe të vëllimshme të hedhura në sipërfaqet publike dhe të trafikut. rq/

Foto: NP "Higjiena komunale" - Shkup