Shkup, 11 mars 2025 (MIA) - Nënkryetarja e LSDM-së, Bogdanka Kuzeska sot deklaroi se pas reagimeve të opinionit sa i përket menaxhimit të parkingut të Qendrës klinike, dokumenti duhet të jetë i kapshëm për publikun.

"Qeveria thotë se nuk kanë kontratë me ‘Gjoka konstrakshën’ por nuk thonë se do ta nënshkruajnë kontratën. Tani që e kanë parë se reagimet e publikut janë të shumta për parkingun në Qendrën klinike, duke pasur parasysh se një për qind është vetëm për shtetin, ndërsa 99 për qind është për kompaninë nga Shqipëria që do të operonte me parkingun, atëherë dokumenti para së gjithash duhet të jetë në dispozicion të publikut", tha Kuzeska.

Taravari, tha ajo, nga njëra anë thotë se marrëveshja do të zgjasë vetëm shtatë apo tetë vjet dhe pas kësaj nuk do të ketë Qendër klinike, ndërsa Mickoski thotë se kemi në një deklaratë tjetër në të cilën ka thënë se nuk do të ndërtohet Qendër e re klinike.

"Pra, ose po gënjejnë publikun, ose nuk janë dakord me njëri-tjetrin, ose është në të vërtetë një çështje që ata janë kapur në vepër, për disa komisione dhe për këtë arsye tashmë po bëjnë deklarata të ndryshme duke shkaktuar konfuzion në opinion", tha Kuzeska  në konferencën e sotme për mediat para ndërtesës së KSHPK-së

Kryeministri Hristijan Mickoski të premten deklaroi se nuk ka asnjë vendim të qeverisë për menaxhimin e parkingut të Qendrës klinike dhe nuk është nënshkruar marrëveshje ku siç tha ai, “nëse opinioni thotë se nuk duam, nuk do ta nënshkruajmë”. qa/

Foto: arkivi i MIA-s