Prishtinë, 11 qershor 2024 (MIA) - Ish përfaqësuesi i posaçëm i sekretarit të përgjithshëm të KB-së në Kosovë dhe ish shef i UNMIK-ut, Bernar Kushner, sot dhe nesër do ta vizitojë Kosovën, kumtoi mbrëmë Ambasada e Francës në Prishtinë.

Kushner do të ketë takime me presidenten Vjosa Osmani dhe kryeministrin, Albin Kurti.

Më 12 qershor në seancë solemne do të mbajë fjalim edhe në Kuvendin e Kosovës. U paralajmërua edhe vizita e tij në Graçanicë.

Kushner ishte në krye të UNMIK-ut nga viti 1999 deri vitin 2001. Ai është ish ministër i Punëve të Jashtme të Francës. bsh/