Shkup, 13 maj 2025 (MIA) - Jeta është vërtetuar prej kohësh se nuk ka vlerë sipas ligjeve të këtij jo-shteti. Dënimi prej dymbëdhjetë vitesh është një shpërblim për këtë vrasje më brutale të mundshme në komunikacion. Prandaj ky vendim është i turpshëm dhe i trishtueshëm për të gjithë shoqërinë, për të gjithë ne", deklaroi Todor Kulakov, babai i Frosinës në një deklaratë për mediat para Gjykatës Penale të Shkupit, pas vendimit për aksidentin ndaj vajzës së tij në janar të këtij viti në bulevardin "Aradhat partizane" në Shkup.

Kulakov potencoi se nuk do të dorëzohen dhe se do të protestojnë nëse është e nevojshme, duke kërkuar dorëheqjet dhe largimin e këtij sistemi gjyqësor dhe penal të korruptuar.

"Shumë do ta mbajnë në zemër vdekjen e engjëllit- fëmijë kundër këtij epilogu të turpshëm gjyqësor, e lëre më paratë dhe gjithçka tjetër që morën si kompensim. Dhe Zoti i gjykoftë i gjykoftë. Ne nuk do të dorëzohemi", potencoi Kulakov.

Përshtypja e parë kur hyri në sallën e gjyqit, siç tha ishte se prindërit e Vaskos ishin plotësisht të relaksuar.

"A e dinin dënimin ata, ndryshe nga seanca e mëparshme kur thjesht mbetën të shtangur. Prandaj, në një vend ku trafikantët e drogës dhe vrasësit e pamëshirshëm shpallen shenjtorë, sportistë, studentë të përkushtuar sipas fjalëve të mbrojtjes, ndërsa që me sa duket u pranua më pak naivisht nga sistemi gjyqësor, vendimi është kaq i turpshëm", deklaroi Kulakov.

Potencoi se familjet e viktimave të vrarë janë plotësisht të përjashtuara nga procedurat me ligj. "Asgjë nuk ka ndryshuar... Gjykata është pastër mafioze dhe mbron vrasës të tillë mafiozë dhe jep vendime të tilla", tha Kulakov.

Akuza për shkatërrimin e provave nga tre të tjerët të cilët ishin në makinë me Vasil Jovanovin, për të cilët siç tha, duhej të kishte një padi penale për shkatërrimin e provave për vrasje, nga e cila, siç theksoi, "me siguri do të kishin dalë prova për shumë krime të reja".

"Pra, dënimi do të kishte qenë më shumë se 20 vjet, ose të paktën kjo do të kishte qenë aktakuza për Vasovin, por edhe për tre të tjerët në makinë. Ku janë tani, ky sistem i fshehu. Sistemi duhet të mbahet përgjegjës për bashkëpunim në mbulimin e një vrasjeje", tha Kulakovi duke njoftuar protesta të reja para gjykatave dhe Këshillit Gjyqësor.

Gjykata e dënoi Vasil Jovanovin me 12 vjet burg, bazuar në pranimin e fajësisë nga ana e tij për veprën penale “krime të rënda kundër sigurisë së njerëzve dhe pronës në trafik” për aksidentin ku jetën e humbi Frosina Kulakova në janar të këtij viti në bulevardin “Aradhat partizane” në Shkup. rq/

Foto: MIA