Shkup, 4 gusht 2023 (MIA) - Komisioni Shtetëror për Parandalimin e Korrupsionit (KSHPK) në mbledhjen e sotme njoftoi se do të dorëzojë nismë në Prokurorinë Themelore Publike për ndjekje penale të kryetarit të Strugës, Ramiz Merko për keqpërdorim të pozitës zyrtare dhe autorizimit. 

Siç theksuan anëtarët e KSHPK-së, Merko në mënyrë të jashtëligjshme dy herë ka emëruar ushtrues të detyrës, u.d. drejtoreshë në një shkollë fillore në Strugë e cila nuk ka pasur të kryer arsimin e lartë, e as e ka pasur përvojën e nevojshme të punës. 

Nga aty propozojnë që penalisht të ndiqen edhe u.d. drejtoresha dhe edhe disa të punësuar të tjerë, të cilët e kanë ndihmuar që të falsifikojë dokumente të cilat i duheshin për zgjedhjen në funksionin drejtor. 

"Kryetari i komunës së Strugës në kundërshtim me ligjin dy herë e ka emëruar për u.d. drejtoreshë një mësuese të gjuhës angleze, edhe pse ajo nuk i ka përmbushur kushtet për këtë. Në mënyrë shtesë ai nuk e ka detyruar bordin e shkollës që të marrë vendim për shpalljen e konkursit publik për zgjedhjen e drejtorit të shkollës. E paraqitura u.d. drejtoresha ka ligjëruar lëndë për të cilat nuk ishte profesioniste dhe për të cilat nevojitet arsim i lartë. Ka pasur përvojë pune katër vite e tetë muaj, që nuk mjafton që të emërohet drejtoreshë. Në mënyrë shtesë në atë kohë ajo nuk ka pasur as vërtetim për provim të dhënë për drejtor, ndërsa këshilli i shkollës nuk ka marrë vendim për shpalljen e konkursit publik. Të gjithë këtë e ka bërë me dokumente të falsifikuara. Në të njëjtën kohë drejtoresha vetë  me aneks marrëveshje e ka rritur fondin e orëve që është në kundërshtim me ligjin. Në këtë e kanë ndihmiar ish drejtorët. Me këtë ata e kanë keqpërdorur pozitën zyrtare dhe kanë falsifikuar dokumente zyrtare", tha anëtari i KSHPK-së, Shemsi Sallai. fc/

Fotografia: Arkivi i MIA-s