Shkup, 19 janar 2026 (MIA) - Këshilli Republikan për Siguri në Komunikacionin Rrugor (KRSKRR) në prag të festës së ardhshme fetare Epifania - Uji i Bekuar, u bën thirrje të gjithë pjesëmarrësve në komunikacion të veprojnë me përgjegjësi dhe ndërgjegje, të respektojnë rregullat dhe rregulloret e komunikacionit me qëllim rritje e sigurisë në komunikacionin rrugor dhe mbrojtje e jetëve njerëzore.

Nga KRSKRR informojnë se pritet rritje e intensitetit të komunikacionit, veçanërisht në rrugët që të çojnë në vendet turistike ku festohet tradicionalisht festa. Për shkak të frekuencës së shtuar të automjeteve dhe kushteve të mundshme të pafavorshme të motit, ata u kujtojnë shoferëve nevojën për: respektimin e rregullave dhe rregulloreve të komunikacionit, përshtatjen e shpejtësisë së lëvizjes sipas gjendjes së rrugëve dhe kushteve të motit, mosdrejtimin e automjetit nën ndikimin e alkoolit ose substancave të tjera psikotrope, informimin në kohë për gjendjen e rrugëve dhe parashikimin e motit para dhe gjatë udhëtimit, përgatitjen e duhur të automjeteve për udhëtim në kushte dimërore dhe posedimin e detyrueshëm të pajisjeve të përcaktuara dimërore në automjete, rritjen e vigjilencës ndaj këmbësorëve, çiklistëve dhe grupeve të tjera të prekshme të përdoruesve të rrugës.

"Siguria në komunikacion është një përgjegjësi e përbashkët e të gjithëve ne. Me sjellje të përgjegjshme, respekt për rregullat dhe rregulloret, si dhe tolerancë të ndërsjellë, secili prej nesh mund të kontribuojë për rrugë më të sigurta dhe në ruajtjen e jetëve njerëzore. KRSKRR ju uron festa të lumtura dhe pjesëmarrje të sigurt në komunikacion. "Festoni me përgjegjësi, mbërrini të sigurt - çdo jetë është e rëndësishme", theksohet në kumtesën. ls/

Foto: Arkivi i MIA-s