Shkup, 8 tetor 2022 (MIA) - Kryeministri Dimitar Kovaçevski sot tha se për momentin nuk ka asnjë paralajmërim për ndonjë ndryshim në përbërjen qeveritare. Sipas tij, BDI më 15 tetor ka paralajmëruar zgjedhjen e kryesisë. “Unë e di se BDI më 15 tetor ka paralajmëruar zgjedhje të kryesisë, por nuk ka asnjë paralajmërim për momentin për ndonjë ndryshim në përbërjen qeveritare”, theksoi Kovaçevski duke u përgjigjur në pyetjen e gazetarëve nëse pret ndryshime në strukturën qeveritare pas paralajmërimeve të BDI-së për reformim brendapartiak.