Shkup, 1 korrik 2025 (MIA) - Për Komisionin Evropian, situata është e qartë, nëse Maqedonia e Veriut i përmbush angazhimet e saj dhe ndryshon Kushtetutën, gjë që sigurisht nuk është e lehtë, atëherë menjëherë do ta fillojmë konferencën ndërqeveritare pa asnjë kusht politik shtesë, tha komisarja evropiane Marta Kos, duke iu përgjigjur pyetjes së gazetarëve në konferencën e përbashkët për shtyp sot me kryeministrin Hristijan Mickoski në Shkup, në lidhje me kërkesat e Sofjes, përveç ndryshimeve kushtetuese për të miratuar protokollet.

E pyetur se çfarë garancish mund të japë BE-ja për Maqedoninë se Bullgaria nuk do ta bilateralizojë më tej procesin, Kosi theksoi se “qëllimi i tyre politik është të hapen negociatat për Maqedoninë e Veriut, sipas klasterit 1 sa më shpejt të jetë e mundur, sapo Maqedonia e Veriut të përmbushë kriteret përkatëse të dakorduara me Këshillin, pra të impelementojë përcaktimet mbi ndryshime kushtetuese”.

"Vlerësoj se është shumë e rëndësishme, ndërsa takimi i sotëm tregon vetëm se Maqedonia e Veriut duhet të shtyhet në rrugën e zgjerimit, veçmas duke pasur parasysh se disa vende të tjera janë konkurrentë të fortë për përfundimin e negociatave paraqasëse. Të gjithë e dimë se kjo nuk është e lehtë, por mundësia për zgjerim tani është e hapur dhe të gjithë duhet ta shfrytëzojmë këtë shans. Dhe të gjithë duhet të kontribuojmë, jo vetëm këto dy vende, por e gjithë BE-ja për të gjetur mënyrë që do t'i lejohet Maqedonisë së Veriut të fillojë këtë sa më shpejt të jetë e mundur. Garancia më e mirë për këtë proces është arritja e rezultateve", ka thënë Kosi.

Prandaj, sipas Kosit, nga aspekti i Komisionit, është e rëndësishme të ketë dialog konstruktiv midis Maqedonisë së Veriut dhe Bullgarisë dhe të ndërtohet frymë e besimit dhe mirëkuptimit të përbashkët.

E pyetur të komentojë amendamentet bullgare për Raportin për Maqedoninë ku kërkohet gjuhë maqedonase "moderne (bashkëkohore)" dhe komb maqedonas, Kosi tha se "anëtarësimi në BE është mënyra më e mirë se si të mbrohet identiteti, kultura dhe gjuha".

"Anëtarësimi në BE sipas meje është mënyra më e mirë për të mbrojtur identitetin, kulturën dhe gjuhën maqedonase, sepse BE është ndërtuar mbi parimin e diversitetit dhe BE kujdeset për të gjitha shtetet anëtare individualisht, në kuptimin e asaj që identiteti ynë të ruhet mirë", ka thënë Kos.

Sllovenia, theksoi Kos, është gjithashtu një vend i vogël me dy milionë banorë, por pasi u bë anëtare e BE-së në vitin 2004, gjuha sllovene është një nga 24 gjuhët zyrtare të BE-së.

Kosi poashtu tha se edhe në Moldavi punon në parandalimin e siç tha, “narrativës së njëjtë se do të humbet gjitha dhe identiteti”.

"Dhe që kur Moldavia u bë vend kandidat në portofolin tim, ndihmojmë në parandalimin e narrativës ruse që thotë se do të humbin identitetin e tyre. Identiteti nuk mundet sipas mendimit tim të bëhet kurrë objekt i vendimmarrjes politike. Identiteti është diçka që e mbajmë në shpirt dhe në zemrat tona. Identiteti është mënyra se si ndihemi për atdheun tonë, identiteti është ajo se si kujdesemi për traditën tonë", ka thënë Kos.