Tetovë, 1 dhjetor 2025 (MIA) - Komuna e Tetovës informon se në seancën e jashtëzakonshme përmes një video-konference, është sjell vendim që Këshilli ditën e hënë, 1 dhjetor 2025, ta shpallë ditë zie për shkak të vdekjes së këngëtarit Shpat Kasapi. Dita e zisë është shpallur në territorin e Komunës së Tetovës.

"Shpat Kasapi ka dhënë një kontribut të rëndësishëm në zhvillimin e kulturës dhe muzikës në Komunën e Tetovës, në Republikën e Maqedonisë së Veriut dhe në skenën muzikore shqiptare. Në ditën e zisë, rekomandohet që institucionet publike, personat juridikë dhe qytetarët të përmbahen nga organizimi i festave, kremtimeve dhe ngjarjeve muzikore", theksohet në vendimin e Këshillit të Komunës së Tetovës.

Këngëtari Shpat Kasapi vdiq më 26 nëntor në moshën 40 vjeçe. Ai u varros dje, më 30 nëntor, në varrezat e qytetit në Tetovë.

Foto: arkivi i MIA-s